Госзакупкатнень лувкссна касы

«Малое и среднее предпринимательство» нацпроектть фкя направленияц—эсь прянь занцихнень (самозанятые) ширень кирдемасна.
Мордовияса регистрировандаф 12 тёжяньда лама самозанятай, а 6 ковонкса закупкатнень питнесна ётазень 3 миллиотт цалковайхнень. Сявомок мяльс мелянь тяка пингть сон кассь 22 процентта.
«ФЗ-ть 223№ статьянц рамкаса закупкатнень эса эсь прянь занцихнень интерессна касы. Тя кизонь 6 кофнень итокснон коряс товархнень и услугатнень объёмсна арась пцтай 4,5 миллиард цалковай, касомок 22 процентта мелянь показательхнень коряс. Самозанятайхнень-поставщикнень лувкссна кассь 25 процентта и ётазень 5 тёжяттнень»,—азозе МСП Корпорациять генеральнай директороц Александр Исаевич.
Сонь валонзон коряс, инь вешфксуфнень ёткс сувсихть вспомогательнай услугатне, конат сотфт финансовай посредничествать и страхованиять (1,26 миллиард цалковай) мархта.
Сяда тов молихть творчествань, искусствань и весялготкшнемань услугатне (1,26 миллиард цалковай), профессиональнай, научнай и техническяй (0,28 миллиард цалковай), рекламнай, а стане жа специализированнай строительнай работатне (10,26 миллиард цалковай).
Лятфтасаськ, эсь прянь занцихненди ули кода участвовандамс закупкатнень эса (ФЗ-ть 223 статьяц) ся условиятнень мяльс сявозь, што ёмла и средняй бизнессь, 2020 кизонь 1 апрельста сявомок.