Инсараса строявихть од кутт

«Жильё и городская среда» национальнай проектть эряфс ётафтоманц мяльса кирдезь Инсараса шумордавсь Советскяй ульцяса 24 квартирань кудть строямац. Площадец 1007 квадратнай метра. Объектть питнец 63 миллион цалковай.
Инсараста лама идень фкя семьясь получась эряма вастонь строямс или рамамс социальнай пандома. Нинге колма уроз-иттне обеспечендафт эрямань помещенияса.
Меля райцентраса суваф тевс Демократическяй ульцять эзга од водопровод, конань кувалмоц 609,7 метра.
Тяда башка, нацпроектть вельде Инсараса Победать 65 кизонц ульцяса строяф автомобильнай од ки, конань кувалмоц 340 метра. Тя тевонди нолдаф 10,6 миллион цалковай.
Национальнай проекттнень главнай задачасна—российскяй эрь гражданинть и эрь семьять эряфсост цебярь шири полафтксне.