Инсаронь больницясь козякофтовсь оборудованияса

«Здравоохранение» национальнай проектть вельде цебярьгофтовсь Инсарскяй районнай больницять материально-техническяй базац. Тяддень сёксеня тяза поступась РуСкан65 УЗИ-сканер—отечественнай производствань тяниень пингонь од аппарат.
Приёмсь вятеви инголенди сёрматфтомас коре, кда тянкса ули врачть назначенияц. Тяка пингть очередьфтома примавихть экстреннай и стационарнай сярядихне.
Районнай больницянь специалисттнень валснон коряс, УЗИ-сканерсь ноляви тевс высокоточнай диагностикань тиеманкса. Кепотьксонди, акушерстваса, педиатрияса, онкологияса, травматологияса, эхокардиографияса и стак тов. «Тяни од УЗИ-сканерть вельде тейнек ули кода ваномс сембе оргаттнень. Ковста аф весть ни шарьхкодеськ сонь цебярь ширензон ташта аппаратть коряс»,—азозь медикне.