«Культура» национальнай проектть «Культурная среда» региональнай проектонц рамкаса Инсарскяй идень искусствань школась козякофтови од оборудованияса. Тя тевонди нолдаф 4 миллионда лама цалковай.
Инсарскяй искусствань школась ушедозе работанц 1957 кизоня, эста сон макссесь аньцек музыкальнай образования. 90-це кизотнень марс поладсь художественнай школать мархта. Тяни тяса тонафнемась мольфтеви несколька программас коре: народнай инструменттне, фортепианось, карзись, живописсь, декоративно-прикладной творчествась.
Лама киза тонафнемань заведенияса ашесть одкстопнев техническяй средстватне. Оборудованиять кой-конашка пяльксоц поступась ни. Музыканттненди рамафт пианино, баятт, аккордеотт, домрат. Живописень классненди максовихть планшетт и мольбертт.
Стане жа искусствань школати концертонь ётафтомс эрявихть световой оборудования, усилительхть, колонкат, микрофотт и теест стойкат. Тонафнемаса оцю лезкс максыхть ноутбукне и компьютерсь. Од витринаса няфтевихть живописецнень инь цебярь работасна.
Идень искусствань школав поступась аф сембе обрудованиясь. Учсефть ёткса и натюрмортнай шрась. Сембе оборудованиять поступамдонза меле преподавательхненди ули кода тиемс образовательнай процессть сяда цебярькс.