«Экология» нацпроектть эряфс ётафтоманц мяльса кирдезь Лямбирскяй районца мольфтеви ляткснень обработкаснон коряс межмуниципальнай комплексть и альтернативнай уштомбялень производствань линиять строямасна. Работатнень арьсекшневи шумордамс 2024 кизоть пенцты.
Кархчень сортировандамань комплекссь—тя ляткснень обработкаснон коряс высокотехнологичнай объект, кона мярьгонди кирьфтамс ТКО-нь объёмснон, конат усксевихть полиготтненди. Сонь мощностец—180 тёжянь кизоти.
Проектть мархта ванф санитарно-араламань зонать улемац. Комплексть тевс нолдамац аф вяти кожфть рдаскофтоманцты, аф эвондафты маластонь территориятнень эса шум и аф тии зиян перьфпяльти.
Стане жа проектть мархта ванф оцю габаритонь, тяконь лувксса шуфтонь ляткснень мелкайгофтоманкса оборудованиясь. Предприятияти ули ладяф прессовай и вспомогательнай оборудования.
Объектса тиеви ТКО-тнень, конат пуроптовихть республикать территорияса, 75 процентснонды обработка.
Объектса стане жа кармай работама альтернативнай уштомбяльть анокламанц коряс участка. Тяфтама уштомбяльть нолдамс тевс арьсекшневи региононь цементнай промышленностень предприятиятнень эса.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+