Миньцонк тага ушедсь работама санитарнай авиациясь

1 майста сявомок «Ансат»-сь тага ушедсь лиендема республикань райоттненди и кармай работама 4 кофт. Санитарнай авиациясь регионца виияфневи «Здравоохранение» национальнай проектть «Развитие системы оказания первичной медико-санитарной помощи» региональнай проектонц вельде.
2020 кизоня Мордовскяй республиканскяй центральнай клиническяй больницять территорияса строяфоль вертолётнай площадка. Саранскяи пачфневихть стака экстреннай патология мархта пациенттне специализированнай высокотехнологичнай медицинскяй лезксонь максоманкса, сяда сидеста ичкоздень населённай пункттнень эзда. Васенце лиемась тя сезонть ульсь Торбеевскяй району.
Санитарнай лезксонь Национальнай службать работаманц пингста Саранскяень больницятненди пачфтьфоль 250-да лама ломань. Пациенттнень ламошкаснонды эрявсь пяк курокстонь лезкс. Ниле ковста арьсекшневи лиемс райоттненди инь кржась кодгемоньксть.