Мордовиянь вете школатнень эса панжевихть агрокласст

Мордовияса эряфс ётафневи «Технологическое обеспечение продовольственной безопасности» национальнай од проектонь «Кадры в АПК» региональнай проектсь. Сонь рамкасонза 1 сентябрьста сявомок республикань вете школатнень эса панжеви агротехнологическяй 17 класс. Школаса тонафнихне кармайхть тонафнемост аграрнай профилень предметтнень и содафтовихть агропромышленнай комплексть работанц мархта.
Школатненди партнёркс арасть республикань агропромышленнай предприятиятне. Программати сувафтфт аф аньцек профильнай предметтне, но и урокта меле работась.
Инсар ошень 1№ школаса кармай лама агрокласста. 7-це, 8-це и 9-це классонь тонафнихнень мяльсна шарфтови растениеводствати, а 10-це и 11-це классонь тонафнихнень—биотехнологиять и пищевой производствать лангс. Сире Шайгавонь райононь Новотроицкяй школань тонафнихне арьсекшнихть крхкаста тонафнемс генетикать и селекциять. Агротехнологическяй класст стане жа появайхть Лямбирскяй и Атяшевскяй райоттнень эса.
Проектсь водендаф кадратнень ванфтоманкса и од специалистонь касфтоманкса.