Панжеви виртуальнай концертнай зал

Саранск ошень 6№ Идень музыкальнай школать видеса панжеви виртуальнай концертнай зал. Площадкась тиеви «Культура» нацпроектть «Цифровая культура» региональнай проектонц мяльса кирдезь.
Виртуальнай концертнай залть тиеманкса федеральнай, республиканскяй и муниципальнай бюджетста нолдаф 600 тёжяньда лама цалковай. Помещенияти рамави тяниень пингонь мультимедийнай оборудования, коза сувси 86-дюймовай экраннай панель, а стане жа акустическяй система.
Музыкальнай школань тонафнихненди и Саранск ошень эряйхненди ули кода ваномс мировой академическяй музыкальнай искусствать. Виртуальнай концертнай залса кармайхть няфневома российскяй и омба масторонь тяшттнень выступлениясна, а стане жа проекттне, конат арьсефт иттненди. Залть панжемс арьсекшневи тяддень июнь ковста.
Тяниень пингть тоса тонафни 600-та лама идь. Тонафнемась мольфтеви 2 направлениява: инструментальнай и вокальнай. Школась строяфоль 1972 кизоня. 2011 кизоня тифоль капитальнай ремонт, рамафтольхть од мебель, техника и музыкальнай инструментт.