Рузаевкаса тевс нолдави идень од поликлиникась

«Здравоохранение» национальнай проектть эряфс ётафтоманц мяльса кирдезь Рузаевкаса маластонь пингть панжеви идень тяниень пингонь поликлиника.
Колма этажса зданиясь арьсекшни примамс сменати 350 ломань. Тячиень шити тяса марнек шумордафт уша и потма ширдень помещениятнень петемасногн коряс работатне. Специалисттне ладясть видеокамерат, пожарнай и охраннай сигнализацият, вентиляционнай системат. Рамаф ни эрявикс мебельсь и оборудованиясь, кона отвечай тяниень пингонь сембе вешфксненди.
Васенце этажса кармайхть примсевома шумбра иттне, тяса и инфекционнай отделениясь, курокстонь лезксонь вастсь, шумбра идень пунктсь, травматологть, хирургть кабинетсна, флюорографиянь и рентгенографиянь кабинеттне.
Омбоце этажса кармайхть улема: подросткань терапевтсь, педиатрхне, отоларингологсь, лабораториясь и обследованиятнень ётафтомс оборудованиясь, процедурнайхне, картохранилищась. Тиф атнай идень андомс комната.
Колмоце этажса приём кармайхть вятема неврологсь, офтальмологсь, физиотерапевтсь, кардиологсь, аллергологсь, эндокринологсь, гастроэнтерологсь, наркологсь, психиатрсь, акушерсь-гинекологсь. Тяса и функциональнай диагностикань, ортоптическяй пчкафтомань, социальнай лезксонь, ЛФК-нь, ЭХО КС-нь, УЗИ-нь, ЭКГ-нь и ламоц лия кабинеттне.