Вирень Слободась учи инжихнень эса

Бизнес-десантсь марса Мордовиянь экономикань, торговлянь и предпринимательствань министрть заместителенц Оксана Ларинать, «Мой бизнес» Центрань и региононь туристическяй отраслянь представительхнень мархта ульсть Кадошкинскяй райононь «Вирень Слобода» ваймосемань базаса.
Ваймосемань базась ащи мазы вастса. Инжихненди ули кода няемс маралхт, а стане жа примамс участия дикай зверьхнень лангс охотаса.
«Туризм и гостеприимство» национальнай проектть эряфс ётафтоманц вельде арьсекшневи тиемс туристическяй од маршрут, кона фатясыне райононь инь содаф васттнень.