Занятостень службась одкстоптови

Мордовиясь сувась занятостень службань комплекснай модернизациянь пилотнай региоттнень лувксс. 2024 кизоня республикань занятостень 18 центрать тисазь «Работа в России» кадровай центракс. Одкстоптомась вятеви «Демография» национальнай проектть «Содействие занятости» региональнай проектонц мяльса кирдезь.
Занятостень центратне полафтсазь «шамаликснон», оформлениясна улихть фкя лацоннет. Тяни моли зданиятнень петемасна. Клиенттнень и сотрудникнень учсазь панжада пространстватне. Помещениятнень явсазь функциональнай зонава. Эвондай питнефтома wi-fi мархта цифровой сервисненди доступ. Шаба мархта сай тядятненди кадровай эрь центраса тиевихть идень уженят.
Полафткст эвондайхть работати малаткшнемать, услугатнень максомаснон эса. Васенце вастса кармайхть ащема клиентоориентированностсь и проактивностсь. Тевс нолдавихть ширень кирдемань и карьернай касомань-вииямань од программатне. Сотрудникне касфнесазь эсь квалификацияснон. 100-да лама ломань ётасть тонафнема. Кизоть шумордамс арьсекшневи тонафтомс нинге 100 специалист.
«Инь питнись комплекснай модернизацияса—тя клиенттнень мархта работаса малаткшнемать полафтомац. Соискательхненди ули кода аф аньцек вешемс эрявикс работа, но и питнефтома касфтомс эсь квалификацияснон или получамс од профессия, конанди ули вешфкс трудонь рынкаса»,—мярьгсь Мордовия Республикань Занятостень центрать директороц Игорь Юрченков.
Лятфтасаськ, Саранскяйса занятостень центрати тифоль модернизация 2019 кизоня. Од образецонь кадровай центрат работайхть ни Рузаевкаса, Краснослободскяй, Зубово-Полянскяй и Старошайговскяй райоттнень эса.