Аграриеньке сатозь «Зрнянь сёксеть» казнензон

Республикань аграрнай секторть представителенза тага мрдасть «Зрнянь сёксе» Всероссийскяй выставкаста лама казне мархта. Синь сатсть 23 зрнянь, 5 сиянь и 1 бронзань медальхть.
Сяськихнень ётксот: «Сармич» сыровареннай заводсь, «Чамзинская» птицефабрикась, «Саранский» ликероводочнай заводсь, «Атяшевский» МПК-сь, «Ичалковский» сыродельнай комбинатсь. Птицеводствань продукциянь нолдамаса оцю сатфксонь сатнеманкса зрнянь казне получась Ковылкинскяй райононь фермерсь Алексей Кулагин. Рейхард алашась, советскяй тяжеловозсь, кандсь сяськома ичалковскяй «Агропромсервисти».
Поволжьянь алашань инь оцю завоттнень ёткста фкять коневодствать коряс зоотехникоц Данил Беззубов ёмластокиге шарфнесь мяль алашань касфтомати. Школаса тонафнемста ни покодсь конезаводса. Меля поступась тонафнема Н.П.Огарёвонь лемса МГУ-нь Аграрнай институту, коса мялец получамс учёнаень-зоотехниконь диплом. Од коневодсь аф васенце кизось ни няфнесыне алашанзон тяфтама выставкаса и фалу сатни казнет.