Агропромышленнай комплекссь эряви виияфнемс

Мордовиянь агропромышленнай комплексть мелянь работанцты итокт и тядденди задачат тифтольхть-азфтольхть 10 январьста республикань Оцюнять Артём Здуновонь ширеса совещанияса. Отраслясь няфни касондома-вииякшнема.
Сёротнень и зернобобовайхнень валовай кочкамасна республикаса арась пцтай 1,8 миллион тонна, масличнай культуратнень—154 тёжянь тонна. Азфоль, што сембе направлениятнень коряс тядде арьсеф касфтомс сатф показательхнень.
Тя кизоня стане жа арьсекшневи касфтомс пищевой и перерабатывающай промышленностень продукциять производстванц средняйста 3-5 процентта.
2022 кизонь итокнень коряс Мордовиянь АПК-нь продукциять экспортоц арась пцтай 30 миллион доллар. Тяниень пингть арьсекшневи ладямс марстонь тевонь вятема «Хорошее дело» компаниять Китайть, «Талинать»—Китайть и Вьетнамть мархта, ладяф кеме сотрудничендама Беларусть и Киргизиять мархта.
«Мордовиянь АПК-ти гослезксть марстонь объёмоц арась 2 миллиартта лама цалковай, тядденди арьсеф 2,4 миллиард цалковай. «Велень территориятнень комплекснайста виияфнемасна» госпрограммать эряфс ётафтоманц мяльса кирдезь 2022 кизоня республикась водендась 976 миллион цалковай. Тядде арьсекшневи тиемс инженернай инфраструктурань объектт эряма вастонь строяманкса аф 700 кржа модань участкать лангса, ётафтомс эряфс 84 грантовай проект велень территориятнень петеманкса-мазоптоманкса»,—азозе МР-нь велень хозяйствань и продовольствиянь министрсь Александр Кечайкин.
Сави строямс культурань куд и петемс идень садть Рузаевскяй райононь Совхоз Красное Сельцо поселкаса, петемс культурань кудть и идень садть Лямбирскяй райононь Оцю Елховка велеса. Мордовиянь Оцюнясь шарфтсь мяль республикань райоттнень эса бассейнань стройсемать лангс. Мекольдень кафта кизотнень ведень бассейнат эвондасть Ардатоваса, Краснослободскяйса и Атяшеваса, 2024 кизонди аноклави проект Чамзинскяй районца бассейнань строяманкса.
«Работада тя ширеть коряс оцю райононь—Зубово-Полянскяйть, Торбеевскяйть руководительснон мархта. Эряйхнень ширде ули вешфкс тяфтама объекттненди»,—китькстазе Артём Здунов.
2022 кизоня тевс сувафтф пцтай 6 тёжятть гектар мода, конат тяда инголе апак ноляктольхть велень хозяйствань оборотти. Тядде арьсекшневи сувафтомс оборотс нинге 7 тёжятть гектар мода, тяконь лувксса 2 тёжятть гектар федеральнай финансированиять тевс нолдазь.
Александр Кечайкин азондсь видемань пингти анокламать колга.
Стане жа пачфтьфоль, што 2023 кизонди АПК-са арьсекшневи ётафтомс эряфс од проектт, конатнень марстонь питнесна 7 миллиартт цалковай, мезть вельде ули панчф 800 рабочай васта. Синь ётксост семенной комплекст Атяшевскяй и Дубёнскяй райоттнень эса, животноводческяй комплекст Атяшевскяй районца, комбикормовай завод Ковылкинскяй районца.
Артём Здунов китькстазе, што эряви лац-ряц арьсемс од производстватнень сотрудникса обеспечендамаснон лангса. «Тя пяк серьёзнай кизефкс. Эрявихть водендакшнемс ломаттнень, конат сашендыхть ширезонк од территориятнень эзда, конат работайхть вахтань методса и работафтома ащекшнихнень, ётафнемс одукс тонафнема»,—мярьгсь сон.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...