Фалу тевса

Фалу аф тёждя азондомс простой рабочай ломанть колга, сембода пяк эста, мзярда сон лувондсы, што эряфсонза мезевок стама аш, эряй кода и сембе. Тяконди, сонць лама аф корхтай и вельф скромнай.
Николай Васильевич Костькин самай тяфтама ломаттнень эзда. Марнек эряфоц сотфоль Ковылкинскяй райононь «Парижская коммуна» колхозть мархта. Шумордамок Стародракинскяй средняй школань 8 класснень, ялганзон мархта марса максозень документонзон Наровчатскяй 6№ СПТУ-в, коса анокласть кели профилень машинистт-трактористт. Ламоц цёранятне эста шарфнесть мяль техникати. Кафта кизот тонафнемда меле шумордазень колма ковонь курснень ДОСААФ-нь автошколаса, получамок водителень специальность. Тя профессиясь и арась кинь няфтикс эряфсонза.
Профессиональнай ширде цебярь аноклама Н.Костькин ётась армияса служамста. Мархтонза служай ялганзон эзда пуроптфоль автобат, конань прважазь командировкас Казахстану урожаень урядама. Целинада меле синь сембонь ётафтозь Липецк ошу, коса савсь урядамс якстеряпс. Кафта пяле мархта киза (тнярс мольсь армейскяй службац), сон ашезь явонда автомобильть руленц мархта, касфнемок эсь маштомошинц.
Демобилизацияда меле мрдась Старое Дракино родной велезонза. Ушедсь работама «Парижская коммуна» колхозса. Максозь теенза «Газ-51» ташта автомобильть, конань мархта усксесь паксяста сёра, тиендсь лия тефт.
Районнай газетаса покодемста аф весть улендень «Парижская коммуна» колхозса, но сатнине Николай Васильевичень вастсонза аф сидеста. И тя аф дивандафты. Теенза, кода инь машты и тевонь кельги водителенди, макссезь сембода ответственнай заданиятнень. Колмогемонь кизоста кядьсонза ульсть ниле автомобильхть. Техникати малаткшнесь эсь лацоннекс. Кой-кит ёрасть эздонза лихтемс семботь, тияк ашесть арьсекшне мельганза якамать колга. Но тянь аш кода азомс Николай Васильевичень колга, сон автомобиленц ванфтозе, мзярдовок ашезь лисенде рейсс апак проверяк механизматнень.
Мекольдень «Газ-53» автомобиленц мархта Николай Васильевич ётазе Советскяй Союзть цють ли аф пяленц. Сидеста улендсь Москуса, Оренбургса, Краснодарса, Украинаса и Казахстанца. Саранскяйть колга аш месть корхтамска. Тяза сон сашендсь цють ли аф эрь шиня.
Ашельхть лацонза хозяйстваса покодихть. Работамс сашендовсь кизоньберьф.
1973-1976 кизотнень Николай Васильевиченди савсь работамс гаражень заведующайкс.
Николай Васильевич Костькинонь эряфса ульсь пинге, мзярда теенза мярьгондсть арамс хозяйствань инженернай службань оцюнякс. Бта кенярдемаль тянди. Но сон атказась. Туфталсь сотфоль зарплатать мархта. Рядовой инженерсь получсесь 160-180 цалковай ковти. Аф сяда лама. А сонь ся пингть ниле идьтонзольхть. Вов и варжак трямс семьять тя ярмакть лангс. Водителень зарплатац ульсь 300-400 цалковай, а урожаень урядамста пачкотькшнесь 500 цалковайс ковти.
Рьванц, Ольга Ивановнань, мархта касфтсть ниле итть. Сембонди макссть цебярь образования.
«Парижская коммуна» колхозсь сёлговсь 1998 кизоня. Но Н.В.Костькин ашезь карма тяфтак ащекшнема—ушедозе эсь тевонц. Водендась мешт. И тя удалась. Тяни теенза меденкса сашендыхть аф аньцек Ковылкинаста, но и шабрань райоттнень эзда. И медец тушенды сембонь мяльс.

В.ИЛЬКАЕВ.
Россиянь Журналистонь союзонь член.

Последние новости

В Мордовии растет количество госзакупок у самозанятых

Одно из ключевых направление национального проекта «Малое и среднее...

В Мордовии благоустраивают общественные территории 

В Рузаевке в рамках федерального проекта «Формирование комфортной городской...

Команда «Бизнес-десанта»проконсультировала предпринимателей Торбеевского района

Центр «Мой бизнес»проводит активную работу в районах Мордовии по...

В Мордовии ведется капитальный ремонт дороги до с. Новая Карьга

ВКраснослободском районе Мордовии приступили к капитальному ремонту автодороги «Подъезд...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Тройцясь—Малавса

Святой Тройцять келиста отмечсесазь пцтай эрь велеса. Цебярь тяфтама...

В Мордовии растет количество госзакупок у самозанятых

Одно из ключевых направление национального проекта «Малое и среднее предпринимательство» - это поддержка самозанятых.  Почти 4,5 млрд рублей по России составил общий объем закупок у...

В Мордовии благоустраивают общественные территории 

В Рузаевке в рамках федерального проекта «Формирование комфортной городской среды» национального проекта «Жилье и городская среда» идет благоустройство Аллеи Славы на улице Куйбышева. Эта...

Команда «Бизнес-десанта»проконсультировала предпринимателей Торбеевского района

Центр «Мой бизнес»проводит активную работу в районах Мордовии по информированию предпринимателей о возможностях государственной поддержки. На этой неделе специалисты провели встречу с представителями малого...