КАРМАЙХТЬ КОРМАТ—КАРМАЙ И ЛОФЦОВОК

Рузаевскяй райононь «Тишкина Р.И.» крестьянско-фермерскяй хозяйстваса аф васенце кизось ни эрь траксста потьневи кафксонь тёжянь килограмма лофца. Тя сатфкссь, эряви азомс, фкя инь оцюсь марнек районца. Кепотьксонди, ингольдень кизотнень жувататнень продуктивностьсна тяса ульсь аньцек 3-4 тёжянь килограмма. Тяни лофцта потьневи кафксть сяда лама. Кода сатовсть ня оцю сатфксне и коза водендафт вийхне хозяйстваса ня кизонь шитнень? Тянь колга тейнек азондсь индивидуальнай предпринимательсь, мокшавась Раиса Ивановна Тишкинась.

—Сембось ащи корматнень эзда,—мярьгсь Раиса Ивановна.—Вов и тянивок, васенце задачась ащи сянь эса, кода анокламс сяда лама тише, сенаж тялоти. Минь хозяйствасонк колма сятт пря крупнай жувата и кормада сашендови аноклакшнемс лама тёжянь тонна. Тяддень урожайсь кеняртьфти, аньцек тишеда аноклаф 200 тонна, пяшкотькшневихть ни сенажнай лоткне, марнек тяфтама кормада аноклави ниле тёжятть тонна. Ётай кизоть коряс сяда лама аноклатама силоста, кукурузась тяфта жа удалась. Эрь траксти тялоти аноклави 40 центнеронь кормовой единица.
—Мезе азолеть, Раиса Ивановна, качествать колга. Сембось ли тиньцонт мольфтеви технологияс коре?
—Кормань анокламась сявф кеме контроль алу. Тянь мельге, васендакиге, ваныхть специалисттне, зоотехниксь, бригадирсь и монцьке тя кизефксть кирдьса контроль ала. Кепотьксонди, сенажнай лоткнень старандатама пяшкотькшнемс рана шобдава, мзярда тишеть лангса нинге раса. Ускф кормась тракторса лацкас матрави, эзонза почерятама сал, эрь кодама консервантт. Сембось тя лезды ванфтомс корматнень качестваснон аф фкя кизос. А минь стане и лисенди, эрь сезонцта кормада аноклакшневи кафта, а кой-мзярда и колма кизонди. Тя эсь лацонь страховка коське кизонди, а тяфтамот, ужяленди, улендихть аф шуроста. Старандатама сембе корматнень пачфнемс ферматнень малас, штоба тялонь кофнень тянь ширде афольхть лисенде прябалат, а тяфта жа кирельхть карьхцне кормань явондомста.
—Кода содаф, оцю сатфксне сатневихть тоса, коса улихть цебярь кадрат, тевонь содай специалистт. Кода тиньцонт ащи тевсь тянь ширде?
—Прябалат тянь коряс аф васьфневихть. Улихть оцю опыт мархта покодихть, сашендыхть хозяйствазонк работама и лама од ломаньда, конат пяшксет вийда-эрьгада. Кда ни корхтаманьке мольфтеви кормань анокламать колга, лятфтасайне цебярьхнень ёткста инь цебярьхнень. Нят: механизаторхне Василий Егорович Родионов, Наиль Саидович Давыдов, Николай Павлович Богдашкин, Виктор Васильевич Тишкин. Сембе синь покодихть эрь кодама участкава, финцне лядихть тише, лиятне усксесазь массать лоткненди, лядыксне лацкас матрасазь корматнень, почеряйхть сал. Шинь нормаснон синь фалу пяшкотькшнесазь сяда комсь процентс.
—Спасиба, Раиса Ивановна, корхнеманкса. Арьсетяма сатфкст тевсонт, а эстейть шумбраши, лама кизонь эряф и катк сембоса тейть удалай!
—Спасиба «Мокшень правда» газетати, мес аф юкснесамасть, мушенттада васта газетать лопанянзон эса азонкшнемс коллективоньконь сатфксонзон колга. Сембонди оцю творческяй сатфкст!

Н.ЛОБАНОВ.
Фототне авторть.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии внедрен безбумажный электронный документооборот

В рамках регионального проекта «Цифровое государственное управление» национального проекта...

Предпринимателей Мордовии научат создавать короткие видео-«REELS»

Министерство экономики, торговли и предпринимательства РМ совместно с Центром...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...