Велень хозяйствань работникне васьфтезь иласнон цебярь сатфксса!

8 ноябрьста Саранскяйса И.М.Яушевонь лемса Государственнай музыкальнай театраса ётафтовсь Велень хозяйствань и перерабатывающай промышленностень работниконь шити лемтьф торжественнай пуромкс.
Велень хозяйствань и перерабатывающай промышленностень работникнень иласнон мархта васенцекс поздравляндазень Мордовия Республикань Оцюнясь А.А.Здунов.

Артём Алексеевич шарфтсь мяль сянь лангс, што велень труженикне кельгсазь эсь тевснон, модать и покодихть илештень кятть. Тянь няфтезе и тяддень урожайсь.
—Няйсаськ, што республикаса ули сембе эрявикссь 1,5 тоннада ламоть кочкаманц, а сяда тов 2 миллиотт тонна сёроть кочкаманкса,—мярьгсь республикань Оцюнясь.—Тядде кочкафоль сянгяря снавонь рекорднай урожай—6400 тонна. Касфнесаськ перень сёронь продукциять импортозамещениянц коряс объёмтнень. Цебярьста молихть тефне и лия культуратнень, кепотьксонди, соять, шинжаромать, рапсть коряс. Мордовиясь тиенди оцю путкс странать продовольственнай безопасностенц обеспечендаманцты.
Мордовия Республикань Оцюнясь А.А.Здунов шарфтсь башка мяль велети кадратнень анокламаснон эрявиксшинц лангс. Мярьгсь хозяйстватнень руководительснонды полафнемс технологияса и кадраса Донецкяй и Луганскяй Народнай Республикатнень, Херсонскяй и Запорожскяй областтнень велень хозяйствань предприятияснон мархта.
Сяда тов республикань Оцюнясь ушедозе каземань церемониять.
Россиянь Президентть В.В.Путинонь Указонц мархта агропромышленнай комплексть виияфтоманцты оцю путксонкса и совестьс коре лама киза работаманкса «Отечествать инголе заслугатнень инкса» II степенень орденонь медальса казьфоль Ромодановскяй муниципальнай райононь «Ромодановсахар» ограниченнай ответственность мархта обществать директороц А.И.Атласов.
Российскяй Федерациянь велень хозяйствань Заслуженнай работниконь лемсь максфоль Атяшевскяй муниципальнай райононь «Сабанчеевское» ограниченнай ответственность мархта обществань машиннай доениянь операторти М.Д.Тикшайкинати. Марина Дмитриевна тя профессияса 35-да лама киза. Тевонц тиендьсы маштозь, нолямок тевс лофцонь производствань технологическяй од процесснень.
Мордовия Республикань Славань I степенень орденца казьфоль Кочкуровскяй муниципальнай райононь «Норов» компаниятнень группаснон правленияснон председателец А.И.Поздняков. Александр Ильич 40-да лама киза макссь агропромышленнай комплексть виияфтоманцты, лемоц содаф марнек Мордовияса. Сонь лемозонза кайгсь Мордовия Республикань Гимнась! Сяда тов Александр Ильич Поздняков азсь ответнай вал.
Тя шиня тифтольхть итокт райоттнень, агропромышленнай комплексонь предприятиятнень и работникнень ёткса трудовой пялькстомати.
«Велень хозяйствань производствать эффективнайста вятемань районць» номинацияса 2022 кизоня сяськикс лувфтольхть Чамзинскяй и Лямбирскяй райоттне.
Касыксонь касфнемаса сяськикс лувфт колма райоттне: Атяшевскяйсь I зонать коряс, Инсарскяйсь II зонать коряс и Большеберезниковскяйсь III зонать коряс.
Сяськи сембе райоттненди максфтольхть диплопт.
Залу пуромфнень поздравляндазень и казезень Мордовия Республикань Государственнай Собраниять Председателец В.В.Чибиркин.
Рузаевскяй муниципальнай райононь «Рузово» закрытай акционернай обществась лиссь сяськикс пищевой и перерабатывающай предприятиятнень ёткса. Тяка предприятиятнень ёткса сяськсь и Инсарскяй муниципальнай райононь «Сармич» ограниченнай ответственность мархта обществась.
Сяда тов сценати тертьфоль Мордовия Республикань Правительствать Председателец В.Н.Сидоров.
Сон казезень лия номинациятнень эса сяськи коллектифнень. Ётксост «Агрофирма «Октябрьская» акционернай обществась, Рузаевскяй муниципальнай райононь «Исток» ограниченнай ответственность мархта обществась, лиятне.
Тя шиня чествовандафтольхть 30 кизоти молемс од специалисттне и рабочайхне, конат кочказь аграрнай тевть мархта сотф профессиятнень.
Тяфтама Краснослободскяй районцта Коморофнень семьясна. Наталья Викторовна работай «Куликово» кооперативса ветеринарнай фельдшеркс, стажец 5 кизот. Пётр Алексеевич велень хозяйствань тяка предприятияса механизатор. 2020 кизоня Коморофнень семьяснонды «Велень территориятнень комплекснайста виияфтомасна» программать коряс строяф эряма васта. Семьяса касыхть колма итть. Коморофненди максфтольхть диплопт и ярмаконь премият, иттненди—казнет.
Ульсть поздравленият и казнет Россиянь Велень хозяйствань министерствать, лиятнень эзда.
Казьфта тя шиня пяк ламоль. И тя шарьхкотьф. Тядде Мордовиянь аграрийхненди удалась сатомс пяк оцю показательхть. Тянь ули кода азомс и урожайть колга—кочкаф 1 миллион 750 тёжянь тонна сёра!
Т.АЛЬШИНА.

Последние новости

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги»...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

Национальный проект способствует развитию предпринимательской деятельности в Мордовии

Министерство экономики, торговли и предпринимательства РМ совместно с Центром...

В Мордовии строятся социальные учреждения

В рамках федерального проекта «Старшее поколение» национального проекта «Демография»...

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром «Мой бизнес» оказываетпомощь предпринимателям Мордовии, предоставляя различные меры государственной поддержки бизнесу республики. Так, в рамках национального...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги» ведется капитальный ремонт автодороги «г. Саранск – р.п. Ромоданова – с. Большое Игнатово» - с....

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...