Ётафтовсь велень хозяйствань кизефкснень коряс семинар

29 августста Дубенскяй районца Мордовия Республикань Оцюнять Артём Здуновонь председательстванц ала ётафтовсь урожайть мельге якамань оцю пользань канды технологиятнень тевс нолямаснонды и зерновой культуратнень урядамаснонды лемтьф кизефкснень коряс совещания. Эсонза примасть участия МР-нь Правительствать Председателец Владимир Сидоров, Мордовиянь велень хозяйствань и продовольствиянь министрсь Александр Кечайкин, а стане жа муниципальнай райононь оцюнятне и региональнай велень хозяйствань предприятиянь руководительхне.

«Минь кочкавоме, штоба максомс оценка, кода карматама шуморяма кизоть: кодама ресурсоньке минь улихть, кодамот прогнозоньке. Тяни тефне отрасляса полафнихть, сяс мес полафтсь закупкань и поставкань рынкась. Мзярда тефне ладявихть—мзярс аф содаф. Эряви содамс, кодама хозяйстватнень эса улихть пелькст, стакат-сталмот»,—пшкядсь Артём Здунов совещаниянь участникненди. Сон отмечазе выездной семинархнень эрявиксшиснон: «Тя цебярь практикась—тонафнемс инголи моли предприятиятнень опытснон, фалу ули мезе сявомс фкя-фкянь эзда».
Артём Здунов путсь задача—зерновой культуратнень производительностьсна улеза 1,6 миллион тонна.
Республикань Оцюнясь азсь нинге лия задачат, конат пяк эрявихть велень хозяйствать виияфтоманкса. Тя—сувафтомс велень хозяйствань оборотти тевс аф ноляви модатнень, пачфнемс тястонь производительхнень продукцияснон мишендемань оцю сетьтненди.
Тядде Мордовиянь аграрийхне нолдасть 36 миллиард цалковаень питнеса продукция. Лофцонь получамась 295 тёжянь тонна (касомась 4 процентта), сиволень—245 тёжянь тонна (касомась 10 процентта), алонь—966 миллион ал (касомась 5 процентта). Велень хозяйствань предприятиятнень витцеви площадьсна лувондови 793 тёжянь гектарса: 475 тёжянь гектарсь—зерновой культура алу, 171 тёжянць—корманди. Тядде кочкаф снавонь рекорднай урожай—6,5 тёжянь тонна сянгяря снав. Зерновойхне урядафт площаттнень 82 процентснон лангста, урожайностсь—40 центнер гектарста.
«Мордовияса ули кода сатомс сяда оцю урожай. Тяни ни республикаса улихть предприятият, конат няфнихть результат—80-100 центнеронь урожай гектарста»,—азозе Александр Кечайкин.
Кепсевсь удобрениянь рамамать коряс кизефкссь. Азфоль, што эряви сяда курокста ётнемс синь рамсемаснон коряс сембе ладяф процедуратнень, аф учсемок лангозост питнетнень касомаснон.
Александр Кечайкин азондсь отрасляса государствать ширде ширень кирдемань мератнень колга. Тядде Мордовиянь аграрийхнень ширень кирдеманкса нолдаф 1,7 миллиард цалковай. Сёксенда 119 миллион цалковайсь пачфтеви зерновой культурань касфнихненди.
2023 кизоста сявомок кирдеви ширесна модамарень и перень сёронь касфни хозяйстватнень.
Велень территориятнень петемаснон-мазоптомаснон и эряма вастонь строямать коряс нацпроекттнень эса участиянь примамать коряс васенцетнень ёткса Ардатовскяй, Атяшевскяй, Большеигнатовскяй, Дубенскяй, Кочкуровскяй, Краснослободскяй, Лямбирскяй, Старошайговскяй и Чамзинскяй райоттне.
Ванондовсть стане жа кизефксне, конат токсесазь видьмонь и продовольственнай сёронь получаманкса зерновой культуратнень видефснон мельге якамань технологиятнень, республикаса видефнень и лама лия кизефкс.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...