Лидия Ивановна и Виктор Фёдорович Автайкиттнень шабань кизосна ётасть Атерь аймаконь Пичепулоня велеса. Тяса тонафнесть школаса. Тяста тусть оцю самостоятельнай эряфти. А эряма вастонди кочказь Зубу аймаконь Явас посёлкать. Покодсть УФСИН-нь системаса. Трудендасть аф кальдявста. А тяни кафцьке, кода синць корхтайхть, почётнай пенсионерхт.
Автайкиттнень кафта цёрасна. Алексей Фёдорович покоди учителькс Явасонь средняй общеобразовательнай школаса. Омбоцесь, Олег, тонафни Зубово-Полянскяй педагогическяй колледжса. Кафцьке цёрасна тусть щятяснон, И.Ф.Брындинонь, киге. Сон педагогическяй трудонь ветераноль. Нильгемоньда лама киза макссь Пичепулонянь основной общеобразовательнай школати. Эсь идьснон инкса Автайкиттненди мзярдовок аф ули визькс.
Мзярда уленди ваймама пингсна, Автайкиттне сашендыхть эсь шачема-касома велезост, Пичепулоняв. Виктор Фёдоровичень родителенза кулофт. Лидия Ивановнаньге лядсь аньцек тядяц, Мария Ивановна. Автайкиттне семьянь келеса сидеста сашендыхть варжамонза. Лездыхть кудонь тевса. Мария Ивановна аф мушенды валхт синь шнамост.
Илья ВЕШКИН.
Снимкаса: Автайкиттне кельгома тядяснон, М.И.Брындинать, мархта.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+