А.С.Пушкинонь лемса национальнай библиотекась тага сатсь грант

«Культура» национальнай проектть «Творческие люди» федеральнай проектонц мяльса кирдезь Культурань Российскяй фондть ширень кирдеманц вельде «Мордовиянь од вайгяльхть» Республиканскяй литературнай фестивальсь» лиссь сяськикс. Проектти инициаторкс арасть—«Национальный спектр» Аф коммерческяй партнёрствась» издательхнень Ассоциациясна и «А.С.Пушкинонь лемса Национальнай библиотекась» ГБУК-сь.
Проектсь арьсеф од таланттнень вешеманкса и мушендоманкса, а стане жа содаф писательхнень и поэттнень мархта васедемань ётафнеманкса, опытса полафтоманкса, штоба синь аральхть тонафтыкс и лездыкс од авторхненди, ётафнельхть мархтост занятият.
Проектть эряфс ётафтоманц коряс программати сувси пяк лама пуромкс: литературнай конкурс, семинархт, тренинкт, лекцият, интерактивнай занятият, республикань муниципальнай райоттнень эса писательхнень мархта васедемат. Конкурсть результатонзон коряс нолдави «Мордовиянь од вайгяльхть» сборниксь. Проектти итогокс арай литературно-музыкальнай фестивальть и научно-практическяй конференциять ётафтомасна.
Литературнай конкурссь азф. Литературнай лабораториясь панчф, сонь площадканц лангса ётафтфт ни мастер-класст, лекторийхть, тренинкт.
Проектть мяльса кирдезь кармай ётафневома мялень салай и тонафты лама пуромкс.
Н.Бочканова, А.С.Пушкинонь лемса Национальнай библиотекань национальнай и краеведческяй литературань отделонь
заведующай.