«Акша келу» национально-фольклорнай илась—Зубу аймаконь Вадовские Селищиса

«Акша келу» республиканскяй национально-фольклорнай илась тядде кармай 4 июньцта. Койс коре сон ётафтови Зубово-Полянскяй райононь Вадовские Селищи велеса Святой Тройцянь шиня Вад ляйть трваса.
Илать аноклаенза-ётафтыенза: МР-нь Культурань, национальнай политикань и архивнай тевонь министерствась, Народнай творчествань республиканскяй Кудсь и Зубово-Полянскяй муниципальнай райононь администрациясь.
«Акша келусь» водендаф национальнай койхнень-обуцятнень, фольклорть, обряттнень, ритуалхнень, спортонь национальнай виттнень одукс кеподеманкса, виияфтоманкса и ванфтоманкса, межнациональнай соткснень кемокстаманкса.
Аноклаф козя программа, кона ётафтови 13 площадка лангса.
Илась ушедови Мордовия Республикань творческяй коллектифнень, национальнай культурань центратнень, национально-культурнай объединениятнень «Акша келусь» терди инжикс!» шествияснон эзда.
Кармайхть работама интерактивнай эрь кодама площадкат. Тяса эрти ули кода варжамс мокшень пачатнень, позать.
Тя шиня чествовандавихть Зубово-Полянскяй муниципальнай райононь эряйхне, предприятиянь труженикне, лама идень и военнослужащаень семьятне. Концерт няфтихть культурань Санкт-Петербургскяй государственнай институтонь «Невский стиль» вокальнай и инструментальнай ансамбльсь, Мордовия Республикань искусствань деятельхне, «Умарина», «Разгуляй», «Росичи», «Торама» ансамблень артисттне.