Бабазень пачанза

Эрь семьять улихть сонцень коенза, конат ванфтовихть поколенияста поколенияс. Тяфтама семьянь коеньке улихть миньге. И фалу, мзярда пуромкшнетяма марс, бабазе, Валентина Сергеевна Резкова, пици пачат. И синь лисендихть пяк танцтиста. Пачань пидема тонафнезь сонь бабац, а тоса и тядяц. Кодама ила кудсост афоль уле, ульсть пачат.
Зубово-Полянскяй районца фалу ётафневихть национальнай ярхцамбялень выставкат. Синь эсост примай участия и монь бабазе.
Пачанза тушендыхть и ярхцайхнень, и жюрить мяльс. Аф стак лемозонза азонкшнихть лама шнама вал.
Мон кельгса эсь бабазень. И мзярда сашендан вели, седикс-ваймокс корхнян мархтонза, кизефнеса, кода шорсесы шапаксть, кода пицесыне пачатнень. Пингсь аф ащи фкя вастса. Моньге шачи семьязе. Кда ули семьясон кодамовок ила, пидян пачат, озафтсайне шра ваксс шабанень и лятфтаса кельгома бабазень В.С.Резковать, конац шабакс и оцюстовок аннемань танцти пачада, тонафнемань пачань пидема.
Ульяна Ворбьёва.