Чувашия Республикань Мокшэрзянь культурань центрать председателец В.П.Седойкин:«НАЦИОНАЛЬНАЙ КЯЛЬХНЕНЬ И ЛИТЕРАТУРАТЬ ТОНАФНЕМАСНА—ВАСЕНЦЕ ВАСТСОТ»Чувашия Республикань Мокшэрзянь культурань центрать председателец В.П.Седойкин:

—Владимир Павлович, кодама работа тядде ётафтсь Чувашия Республикань мокшэрзянь культурань центрась мокшень и эрзянь кяльхнень, национальнай культурать, промыслатнень и ремеслатнень ванфтоманкса и виияфтоманкса?
—Кода и ётай кизотнень, тядде минь ётафтоськ «Эрзянь вайгяль» литературно-художественнай межрегиональнай фестивальть, «Чипайне» («Шиня») идень творчествань республиканскяй фестивальть и Мокшэрзянь культурань шись межрегиональнай илать.
Чувашия Республикань Мокшэрзянь культурань центрань представительхне работасть «Шумбрат» межрегиональнай иласа, конат ётафтовсть Мордовия Республикаса, Ульяновскяй и Пензенскяй областтнень эса, а стане жа «Волгась—ялгаксшинь ляй. Волжскяй нароттнень культураснон диалогсна» Международнай этнокультурнай экспедицияса-фестивальса.
Тёкшекс тя кизонь сембе ётафтф мероприятияньконди арась Мокшэрзянь культурань шись, кона ётафтовсь 17 сентябрьста Чувашия Республикань Порецкяй райононь Напольное велеса. Иласа ульсть национально-культурнай делегацият Мордовия Республикаста, Нижегородскяй, Пензенскяй и Ульяновскяй областтнень эзда, а стане жа Чувашия Республикань муниципальнай эрь районцта.
Илас пуромфнень лямбоста поздравляндазь Чувашия Республикань культурань, национальносттнень тевснон коряс и архивнай тевонь министрсь Светлана Каликова, Чувашиянь Государственнай Советонь Председательть заместителец Виктор Горбунов, гуманитарнай наукань институтонь директорсь Пётр Краснов, Порецкяй райононь администрациянь оцюнясь Евгений Лебедев, Мордовскяй (мокшень и эрзянь) народонь Межрегиональнай организациять Исполкомонц председателец Татьяна Ларина.
Илать рамкаса ётафтовсь лама национальностень культурань программа, коса няфтезь эсь асушиснон Мордовия, Чувашия Республикатне, Нижегородскяй, Ульяновскяй и Пензенскяй областень национальнай коллектифне.
Пуромфнень мяльс тусть национальнай ремеслань и промыслань выставкатне и национальнай ярхцамбялень дегустациясь.
Тядде Чувашия Республикань Мокшэрзянь культурань центрати ашезь удала ётафтомс «Арта» («Вельмома») национальнай межрегиональнай фестивальть. Тянди ульсть туфталхт.
Надиян, сай кизоня мокшэрзянь кяльхне и литературась одукс ушедовихть тонафневома Чувашия Республикань школатнень эса кода обязательнай предметт. А тонафнемань од учебникт тейнек надияфтсь кучемс Мордовия Республикань образованиянь министерствась.
—Владимир Павлович, кодама работа вяти Чувашия Республикань Мокшэрзянь культурань центрась ся кизефкснень коряс, конат стясть обществаньконь инголе специальнай военнай операциять ушедомстонза и частичнай мобилизациять ётафтомдонза меле?
—Минь центраньке максси лезкс мобилизованнайхнень семьяснонды, кочкси и кучси гуманитарнай лезкс Донбассу, коса бандеровецнень и омба масторста саф фашисттнень каршес тюрихть минь земляконьке.
Тяфтама работа Чувашия Республикань Мокшэрзянь культурань центрась кармай вятема Сяськомать самс.
—Владимир Павлович, кодама мероприятият Мокшэрзянь центрась арьсекшни ётафтомс Чувашия Республикаса сай кизоня?
—Кода и фалу, минь арьсетяма ётафтомс межрегиональнай и региональнай форматонь фестивальхть-илат. И, конешна, ётафтсаськ «Артатьке», кона сувафтф ни Чувашия Республикань сай кизонь мероприятиянь планти.
Тяда башка, приматама участия мокшэрзянь мероприятиятнень эса, конат ётафтовихть Мордовия Республикаса и Россиянь лия региоттнень эса, коса работайхть Мордовскяй (мокшень и эрзянь) народонь Межрегиональнай общественнай организациять отделениянза.
—Удалаза арьсефонте, Владимир Павлович.
—Сюкпря!
В.иосифов.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии внедрен безбумажный электронный документооборот

В рамках регионального проекта «Цифровое государственное управление» национального проекта...

Предпринимателей Мордовии научат создавать короткие видео-«REELS»

Министерство экономики, торговли и предпринимательства РМ совместно с Центром...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...