Эрь шинь тевсонза национальнайсь—васенце вастса

Сёрмат, сёрмат. Аф кржа эздост сашенды «Мокшень правдать» редакцияс. Тяшнихть кельгома морафниеньке, аф штатнай автороньке, ширеса эряй ялганьке. Васенцетнень ёткс сувси мокшавась-патриотсь, трудонь ветеранць, Народнай образованиянь отличниксь, Зубова Полянань эряйсь Мария Константиновна Вишнякова, кона пяк лама киза работась педагогокс тостонь педагогическяй училищаса.
Акша гуленякс сась «Мокшень правдав» Мария Константиновнань нинге фкя сёрмац. Морафтоськ сонь редакциянь келеса оцю мяльса. Эсонза М.К.Вишнякова лама тяштсь «Мокшень правдать», эсонза лисенди материалхнень колга. Нльне тись теест крхка, сембе ширде козя анализ.
Тяда башка, Мария Константиновна сёрмасонза азозень эсь мялензон-арьсеманзон Мордовияса аф кунара лисьф «Мордовский костюм: вышивка, ткачество, бисероплетение» книгать колга.

Вов мезе тяштсь мокшавась:
«Пяк кенярдень «Мордовский костюм: вышивка, ткачество, бисероплетение» книгать лисеманцты. Ламос учсеф тя книгась—оцюдонга оцю пара тев мокшэрзянь культураса. Пара улель, кда сон тиель путкс сонь виияфтоманцты. Пади, тя книгать вельде тонадыхть котф лангс тяфтама мазышинь тиема и оцюфне, и шабатне».
Афкукс, вяре азф книгать лисемац кеняртьфтезень ламонцнень. Сон арась цебярь казнекс мокшэрзянь костюмонь кельгихненди и сонь аноклаензонды-смекаензонды.
Авторонзон эзда фкясь—мокшавась Наталья Николаевна Челмакина. Колганза оцю мяльса пачфттяма газетаньконь тячиень номерсонза.
Шачемас коре Наталья Николаевна Атюрьевскяй райононь Курташкаста. Тядяц, Тамара Матвеевна Мелёшкина, пенсияса, лама киза работась школаса учителькс—вятсь рузонь кялень урокт. Аляц, Николай Васильевич Мелешкин, тянивок работай—заняф паксянь тевса, аф явонды комбайнать мархта. Школать шумордамдонза меле Н.Челмакинась тонафнесь Н.П.Огарёвонь лемса Мордовскяй государственнай университетса, аделазе Историко-социологическяй институтть.
2002 кизоста сявомок работай С.Д.Эрьзянь лемса изобразительнай искусствань Мордовскяй республиканскяй музейса, 2014 кизоста сявомок—декоративно-прикладной искусствань отделонь заведующай.
Мокшавась вяти оцю работа декоративно-прикладной искусствань фондть содафокс тиеманц, тонафнеманц и ванфтоманц коряс. Тяза сувси и музеень предметтнень оцифровкаснон мархта сотф и С.Д.Эрьзянь лемса музейть электроннай каталогозонза синь сувафтомаснон коряс тевсь. Нинге Наталья Николаевна вятьсы предметтнень музейнай системаста Российскяй Федерациянь Госкаталогть сайтозонза лихнемать мархта сотф работать. Тянь вельде эрти, кинь мялец, ули кода сувамс культурнай питнишитнень ванома виртуальнай пространствав.
Мзярда кизефтине Н.Н.Челмакинать, мезе вяре азфта башка нинге тиенди изобразительнай искусствань музейса, отвечась, што сон—ДПИ-нь коллекциянь ответственнай ванфты, экспозиционер, выставкань куратор, ответственнай специалист проектнай деятельностть коряс. Лама мезе содай и машты экскурсионнай и экспозиционно-выставочнай тефнень эса. Кепотьксонди, сон международнай и межрегиональнай выставочнай тяфтама проекттнень, кода: «Корейскяй Народнай Демократическяй Республикать искусствац», «Народнай формат. Нациять достоянияц народнай искусствась» Нижегородскяй областень народно-художественнай промыслатне, «Творчествать полифонияц» Моску ошть декоративнай искусствац кураторсна.
Музейса работамац лездсь теенза эряфс ётафтомс мокшэрзянь народть традиционнай культуранц ванфтоманц, виияфтоманц и содафокс тиеманц коряс несколька проект.
Наталья Николаевна сувси музейть проектнай офисонц составс. Сон—В.Потанинонь Благотворительнай фондонц «Музейнай гид» программанц сяськиец. 2019-2020 кизотнень примась участия «Традициятнень кудсна музейно-культурнай центра» проектть эряфс ётафтомаса. Тифоль тя президентскяй гранттнень фондснон средстванзон лангс.
Наталья Николаевна Челмакина—«Традиционнай искусствань лаборатория» проектть автороц. Тя проектти итогокс арась «Мордовский костюм: вышивка, ткачество, бисероплетение» научно-популярнай изданиять нолдамац и мокшэрзянь народнай искусствать традиционнай видонзон тонафнемаснон коряс веб-ресурсть тиемац.
Тячиень героиняньке заняф и общественнай тевса. Сон сувси Мордовскяй (мокшень и эрзянь) народонь Межрегиональнай общественнай организациять Исполнительнай комитетозонза, работай массовай информациянь средстватнень мархта, аноклакшни выставочнай и проектнай тефнень коряс анонст мокшень кяльса, примси участия родной кяльть ванфтоманц и виияфтоманц коряс пуромкснень анокламаснон эса.
Сонь трудоц ашезь ляда апак приметак. Работанц и сатфксонзон инкса Наталья Николаевна казьф Мордовия Республикань Культурань министерствать Почётнай грамотаса, Мордовия Республикань Государственнай Собраниять Почётнай грамотаса, Мордовия Республикань Правительствать Почётнай грамотаса, Мордовскяй (мокшень и эрзянь) народонь Межрегиональнай общественнай организациять Благодарностьса.
Мирдец, Сергей Дмитриевич, Кадошкинскяй райононь Пою велень мокшаля, полициянь подполковник, Саранск ошень УМВД-нь полициянь 1№ отделонь начальникть заместителец.
Челмакиттнень кафта идьсна.
Ётка пингстонза Наталья Николаевна эряскоды вели. Тоса уленди праздникста, отпускста.
Н.Н.Челмакина лама морафни. Кельгома авторонза А.П.Чехов, М.А.Булгаков, Б.Л.Пастернак, М.М.Зощенко, К.Г.Абрамов, А.П.Тяпаев.
Эрь мокшавась, улема, кельгсыне мокшень щапнень-каряпнень. Тяфта ащи тевсь и Наталья Николаевнань мархта. Ламоц пуромксненди сон сашенды мокшавакс наряжафста. Ули и сонцень щамоц, а нинге тевс нолясы авозенц—Пою велень мокшавать Анастасия Васильевна Челмакинать мокшень нарядонц (самай сонь ули кода няемс фотоса.
Н.Н.Челмакина—афкуксонь патриот. Теенза пяк и пяк мала сембось минценнесь—национальнайсь. Тя няеви эрь шинь работанц, сатфксонзон коряс.
Т.владимирова.

Последние новости

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги»...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

Национальный проект способствует развитию предпринимательской деятельности в Мордовии

Министерство экономики, торговли и предпринимательства РМ совместно с Центром...

В Мордовии строятся социальные учреждения

В рамках федерального проекта «Старшее поколение» национального проекта «Демография»...

В рамках нацпроекта самозанятых Мордовии бесплатно научат nail-мастерству

Министерство экономики, торговли и предпринимательства РМ совместно с Центром «Мой бизнес» оказываетпомощь предпринимателям Мордовии, предоставляя различные меры государственной поддержки бизнесу республики. Так, в рамках национального...

В селе Константиновка Ромодановского района ремонтируют дорогу

В Мордовии в рамках национального проекта «Безопасные качественные дороги» ведется капитальный ремонт автодороги «г. Саранск – р.п. Ромоданова – с. Большое Игнатово» - с....

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...