Эрь тевти кундай мзолфкя мархта

Татьяна Голынова ся ломаттнень эзда, конатнень, мярьгат, фалу кепотьф мяльсна. Эсь мзолфканц мархта сон мазопнесы эрь вастть, коса афоль уле. Татьяна Петровна тёждясста мушенды марстонь кяль кода эсь кизос коре ломаттнень мархта, стане и оттнень. Лиякс аш кода, кда 15 киза работат од ломанень библиотекаса.

Шачсь-кассь мокшавась Кадошкинскяй райононь Пою велеса. Школать шумордамдонза меле поступась М.Е.Евсевьевонь лемса Мордовскяй государственнай педагогическяй университету коррекционнай педагогикань факультету. Тонафнемась мялезонзоль, нинге сядонга пяк практикась, кона ётнесь аф аньцек школаса, но и идень садса. Аньцек специальностьс коре Татьяна Петровнанди работамс ашезь сав. Ся пингть зарплатась школаса пяк ёмлаль. Сяс университетть шумордамдонза меле сон ушедсь работама почтаса операторкс, тевонц тиендезе оцю мяль вельде.

Васенце стирнянц шачфтомда меле мирденц тердезь работама Ковылкинав. Мархтонза тусь семьяцка. Тосовок Татьяна мусь мяльс коре тев. Ушедсь работама Н.П.Огарёвонь лемса Мордовскяй госуниверситетть Ковылкинскяй филиалсонза учебнай частьса секретарькс. Вастсь тонадовсь, цебярель, но колма кизода меле семьяти савсь мрдамс меки Саранскяи.
Ся пингста сявомок Татьянань эряфоц и сотовсь библиотекань тевть мархта. 15 киза работась «Центр юношеского чтения» библиотекаса. Сон Мордовскяй республиканскяй идень библиотекать отделоц. А тядде ётась библиотекать главнай корпусозонза, кона Саранскяйть центраса, научно-методическяй отделонь главнай библиотекарькс.
Татьяна Голынова виденцясь, што сембода пяк кельгсы ломаттнень мархта работаманц. Оцю мяль вельде аноклай и ётафни лувихненди эрь-кодама мероприятият, содаф ломаттнень мархта васедемат. Ламоц илатнень ётафнесазь ульцяса библиотекать инголе, инжикс тернихть содаф писательхть, поэтт, артистт. Тяфтама форматсь лезды сяда пяк шарфтомс од поколениять мяльснон библиотекати и книгань лувомати. Тяда башка, Идень республиканскяй библиотекань сотрудникне сидеста улендихть Мордовиянь райоттнень эса, ётнафнихть эрь-кодама темас коре семинархт.

Лама киза лац работаманкса, Мордовия Республикать социально-экономическяй виияфтоманцты оцю путксонкса Татьяна Голынова 2014 кизоня арась сяськикс «Лучший по профессии» конкурсса, 2020 и 2021 кизотнень культурать и библиотечнай тевть виияфтоманцты оцю путксонкса казьфоль Культурань, национальнай политикань и архивнай тевонь министрть Почётнай грамотанц мархта.
Татьяна Петровнань инь оцю гордостец—кафта стиренза, Анянди—21, Настянди—14 киза. Кафцьке сембе ширде асуфт. Анна шумордазе школанц зрнянь медальса. Аделась музыкальнай школа. Тяни тонафни Н.П.Огарёвонь лемса МГУ-нь экономическяй факультетса 4-це курсса. Мушенды пинге аф аньцек тонафнемати, но и творчествати. Кафта кизот мельцек примсесь участия «Всероссийскяй студенческяй тунда» фестивальса. Ётай кизоня Самараса морась факультетонь коллективть мархта, сявозь омбоце вастть, а тядде Пермьса няфтезе эсь авторскяй моронц.
Татьянань ёмла стирец Настя мзярс арьси, мезть мархта сотсы эряфонц. Ётка пингста рисовандай, морай гитараса, кштий, кельгсы пидеманц-панеманц. Кафцьке стирнятне лац содасазь мокшень кяльть, хуш и кассть Саранскяйса.
«Морамати кельгомась семьясонк моли поколенияста поколенияс,—азонды Татьяна.—Пяк мазыста морай тядязе. Монцьке идькс пингста сявомок моран. Школаса тонафнемста выступандакшнень сембе мероприятиятнень эса. Ужяль, мес Пою велеса тонафнемста ашель кода якамс музыкальнай школав. Тянемс оцю мялезе тонадомс морама фортепианоса. Ламоти тонафнесамазь стирняне. Лангозост ванозь монга сувафнеса эряфозон творчесвать: и моран, и сюреса сёрмадан. Кельгса книгань лувомазень».
Фотографиятнень эса Татьяна Петровна мокшень щамса, кона сатовсь теенза тядянц эзда.
Оксана Белкина.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...