Эряфонц лемдезе иттнень тонафтомаснонды

Кда панчсак Валентина Петровна Канайкинать покодемань книганянц, няят аньцек кафта сёрматфт: фкясь эздост, што сон ушедсь покодема Ковылкинскяй райононь Вечкянянь школаса биологиянь и химиянь учителькс, а омбоцесь—тусь покодема вастста ваймосема сиредемань кизотнень сатомста.
…Шабакскиге Валять мялецоль арамс учителькс. Ялганзон мархта сидеста налхксекшнесть «школаняса», коса сон най ульсь тонафтыкс. Аф стак школать аделамдонза меле поступась М.Е.Евсевьевонь лемса Мордовскяй государственнай педагогическяй институту (тяни университет). Тонафнеманц шумордамдонза меле сась покодема эсь велень школазонза. Колмогемонь сисем киза работась тяса.
Валентина Петровнань уроконза фалу ётнесть мялень салайста. Вдь учительсь нолязень тевс аф аньцек учебнай пособиятнень, но и сонць арьсекшнесь мезень-бди одня, штоба саламс шабатнень мяльснон. Аф шуроста иттненди интереснай информациянь вешендемста цють аф шобдавас ащекшнесь книгатнень вельхксса. Но тянь стакакс-сталмокс сон ашезе лувонда. Меколанкт, мзярда шобдава сашенкшнесь урокс и няендезень стирнятнень-цёранятнень крфай сельмоснон, бта пацянза шачендсть, мялецоль нинге сядонга старандамс шабатненди содамошинь макссеманкса.
Валентина Петровна ашезь явонда учениконзон мархта кизонь каникулатнень пингстовок. Синь марса трудендакшнесть школьнай переса. Касфнесть тяса мазы панчфт, капстат, пурьхкат, шурьхкат, якстеряпст. Тевда перьфкаст ламоль, синь и валомальхть, и кочкомальхть.
Тяни Валентина Петровна ваймоси кудса. Кунара ни аделавсть школаса работамань кизонза. Но тячивок сон кирди соткст ингольдень тонафниензон мархта. Синь сашендыхть ширезонза, гайфнихть. Ламонцне эздост работайхть Москуса, Саранскяйса и эсь районцост, азонкшнихть лямбе валхт сянкса, што Валентина Петровна лездсь мумс эряфса эсь вастснон.
В.П.Канайкинась кельгома тядя и щава. Саранскяйса эряйхть стирец Надя и уноконяц Настя. Надя аделазе Н.П.Огарёвонь лемса Мордовскяй госуниверситетть, а сяльде тонафнесь Юстициянь министерствань Российскяй правовой академияса (РПА Минюста России). Тяни работай Саранскяйса. Настя уноконяц тонафни школаса.
Валентина Петровна пара вайме, ляпе седи и пяк смузю ломань. Корхнят-тият мархтонза и лад арси седиезт. Эрть мархта сон мушенды марстонь кяль, машты ёнень путома, виде кис водендама.
Сембе эряфонц мокшавась лемдезе кельгома тевонцты и тянкса марясы прянц павазукс. Сон макссь крхка содамошит сядот шабанди, и тя ашезь ляда апак приметак. Валентина Петровнанди максф «Российскяй Федерациянь общай образованиянь почетнай работник» лемсь!
Арьсетяма теенза оцю паваз, кеме шумбраши!
А.Иванова.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...