«И врагти минь мзярдонга аф сяськофтама!»

17 октбярьста Саранск ошень 1941-1945 кизотнень военнай и трудовой подвигонь Мемориальнай музейса ётафтовсь «И врагти минь мзярдонга аф сяськофтама!» лем ала историянь час. Сон лемтьфоль Мордовиянь уроженецнень подвигснонды, конатнень синь тиезь фашисттнень эзда Моску ошть араламста великай битваса.

«И врагти минь мзярдонга аф сяськофтама!» историянь частть пингста Мемориальнай музеень научнай сотрудниксь Людмила Матвеева Саранскяень 11№ и 40№ школань тонафнихненди ётафтсь «Фронтонь толонь кит…» экспозициять эзга экскурсия. Эсонза иттне няезь Советскяй Союзонь Геройхнень фотоснимкаснон, каземаснон коряс документтнень, войнань пингонь аватнень-трактористкатнень портретснон и историческяй лия экспонаттнень.

Сяльде Людмила Матвеева азондсь пуромфненди Москуть ала оцюдонга оцю тюремать колга, кона ушедсь 1941 кизонь 30 сентябрьста и мольфтевсь 1942 кизонь 20 апрельть самс. Пингстонза «Тайфун» военнай операциять вешфксонзон коряс фашисттне срхксесть октябрь ковста сявомс Моску ошть, а 7 ноябрьста ни ётафтомс Якстерь площадьса парад.
Людмила Матвеева тяфта жа шарфтозень пуромфнень мяльснон ня цифратнень лангс. Москуть эса миннетне араласть пцтай 7 кофт. Лиякс мярьгомс, 203 ши и ве. Кафцьке ширде Москуть ала тюремаса тюрсь 7 миллионда лама ломань. 1941 кизонь 5 декабрьста Якстерь Армиясь тусь контрнаступленияс. Фашисттне Москуть эзда пантьфтольхть-ёрдафтольхть пцтай 200 вайгяльбес! Миронь фкявок столица ся пингс ашезень сяськонде фашисттнень. Москувонь тюремада меле Якстерь Армиясь ладязе эсь кинц Сяськомати.
Людмила Матвеева тяфта жа пачфтезе, што оцю подвикт тисть Москуть араламста Мордовиянь уроженецне. Нят: С.А.Полежаев, А.Г.Котов, А.М.Пуркаев, Подольскяй военнай училищань курсанттне, соксонь полксь, кона кочкафоль Саранск ошень од ломаттнень эзда, 202№ зенитно-артиллерийскяй башка дивизиононь боецне, конатнень ёткса ульсь 130 стирь Мордовияста.
Сяда тов историянь частс сафненди няфтьфоль «Москуть инкса тюремась» документальнай кинофильмаста пакш.
Сяльде пуромфненди Саранск ошень 6№ музыкальнай школань тонафнихне и синь преподавательсна няфтсть тематическяй концерт.
Владимир Иосифов.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...