«КАЙГИ ВАЙГЯЛЬХНЕНЬ» МАЗЫ МОРОСНА

Эрь велеть сонцень визитнай карточкац. Ули сон и Краснослободскяй райононь Колапать. Тя «Кайги вайгяльхть» фольклорнай ансамбльсь, конань лемоц и мазы моронза цебярьста содафт мокшэрзянь крайса.
Мзяра кизода тя ансамбльти, лац-ряц кивок аф содасы. Но Колапань мокшаватне морсихть пяк кунара. Сиредихть финцне, полафтсазь омбонцне. И тяни «Кайги вайгяльхнень» эса сисем мокшават. Нят В.А. Антяскина, В.И. Одушкина, С.И. Перякина, Л.В .Сидорина, Т.А. Кокорева, Т.И. Ерёмкина, С.Н. Рузайкина. Коза аньцек аф тернесазь «Кайги вайгяльть» морама. Аф ноляйхть фкявок концерт, ила Краснослободск ошса. Ламоксть тернезь мероприятияс «Ладяма кудти» Сире Синдру вели. Ульсть и Сире Теризморгаса содаф композиторти Г.И.Сураев-Королёвонди лемтьф илатнень эса. Эрь кизоня примайхть участия «Шумбрат, Мордовия!» народнай творчествань республиканскяй фестивальса-пялькстомаса. Ётай кизоть лисендсть финалтивок.
—Ансамбленьконь вельде кайги и веленьконь лемоц,—корхтай В.А.Антяскина.—И тя кеподи мяль.
Илья ВЕШКИН.