Кайгсть «Мордовиянь од вайгяльхне»

11 октябрьста А.С.Пушкинонь лемса Национальнай библиотекась арсесь инжиень примама вастокс республикань сембе райононь, а стане жа Саранск ошень од сёрмадыхненди. Шиньберьф библиотекань залхнень эса мольсь «Мордовиянь од вайгяльхть» проектть мекольце пяльксоц. Сон ётафтови эряфс «Культурань российскяй фондсь» Общероссийскяй общественно-государственнай организациять грантонц вельде. Васенце аськолксне проектть коряс тифтольхть майста. Тя тевть васенце целец—лездомс од авторхненди касфтомс эсь асушиснон.
Проектть видеса работасть 10 литературнай лабораторият, ётафтовсть семинархт Саранскяйса, а стане жа Мордовиянь муниципальнай колма райоттнень эса.
11 октябрьста аноклафоль «Мордовия литературная: связь времён и поколений» лем ала научно-практическяй литературнай конференция. Библиотекать конференц-залозонза пуромкшнесть учёнайхть, писательхть, поэтт, журналистт, од сёрмадыхть, сембоц—50-да лама участниколь.
Оцю сатфксокс пуроптыхне-аноклайхне лувсазь «Мордовиянь од вайгяльхть» конкурсть ётафтоманц. тяфтама жа лем ала нолдафоль марстонь сборник, коза сувасть од авторхнень литературнай инь цебярь произведениясна.
Конкурссь няфтезе, што Мордовияса аф кржа асу авторда, конат сёрмадыхть рузкс, мокшекс и эрзякс. Сембоц участия примась 55 ломань республикань 22 районцта и Саранск ошста. «Поэзия» номинацияти кучфоль 44 заявка, «Проза» номинацияти—25, «Драматургияти»—6.
«Мордовиянь од вайгяльхть» литературнай фестивальть пингста А.С.Пушкинонь лемса Национальнай библиотекаса казьфтольхть конкурсса сяськихне.
Омбоце степенень лауреатонь дипломса «Проза» номинацияса казьф Атюрьевскяй райононь Курташки велень школаса 11 класса тонафнись Алина Алёшкина. Сон кучсь конкурсти мокшень кяльса азкст. Войнать колга фкя азксстонза пакшть морафтозе сценать лангса дипломть получамдонза меле.
«Драматургия» номинацияса Саранскяень Строительнай техникумонь 3 курсонь студентсь Иван Волгапов «Кальдяв тевсь коласы мяльцень» сценканц инкса сатозе 3 вастть, а Старошайговскяй райононь Сире Теризморга велень школаса 11 класса тонафнись Евгения Качанова арась васенцекс «Кеняртьфнить лиятнень пара тевса» пьесанц мархта.
«Мордовиянь од вайгяльхть» од авторхнень произведенияснон мархта сборникть ули кода аф аньцек кирдемс кядьсот, но и лувомс электроннай или аудиоформатса.
«Тя проектсь—оцю путкс марнек республиканьконь литературнай эряфозонза! Сонь видесонза библиотекасонк ётафтфтольхть 10 творческяй лабораторият. Эсонза примасть участия ся од ломаттне, конат аньцек-аньцек варчсесазь эсь вийснон сёрмадомань тевса. Эрь лабораториять эса работась наставник, кона лездсь участникненди. Кеняртьфти, што конкурсти кучфольхть работат рузонь, мокшень, эрзянь кяльса»,—мярьгсь библиотекать директороц и проектть администратороц А.В.Бакулина.
Фестивальть шумордамста А.С.Пушкинонь лемса библиотекать актовай залоц аф ламос арсесь театрань сценакс. Мокшэрзянь Национальнай театрань актёрхне няфтезь «Не забывай незабываемое» постановкать, кона лемтьф Великай Отечественнай войнань темати.
О.плотникова.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...