КОРХТАФОЛЬ МОКШЕНЬ КЯЛЬТЬ ВАНФТОМАНЦ КОЛГА

1 июньцта Саранскяйса Н.П.Огарёвонь лемса Мордовскяй госуниверситетса ётафтовсь «Мокшень кяль: кялень тяниень пингонь ситуациясь и инголи молемань метоттне» межрегиональнай «круглай шра», конань аноклазь «Экономикань высшай школа» Национальнай исследовательскяй университетсь, «Россиянь нароттнень Ассамблеясна» Общероссийскяй общественнай организациясь «Всяк сущий в ней язык» проектть мяльса кирдезь. Васедемась лемтьфоль мокшень кяльть тяниень и сай пингонцты: кода сонь ванфтомс и тиемс мялень салайкс од поколенияти.

Приветствиянь валхт азсь «Россиянь нароттнень Ассамблеясна» Общероссийскяй общественнай организациять сопредседателец Е.А.Михалёва. Сон лятфтазе, што Ассамблеясь мекольце пингть нолдась «Этник: ресурсное сообщество», «В гостях у носителей языка», «Всяк сущий в ней язык» проектт, конатнень эса няфтевсь мокшень кяльсь.

Филологическяй факультетть работанц колга азондсь Н.П.Огарёвонь лемса Мордовскяй госуниверситетонь филологическяй факультетонь деканць, филологическяй наукань кандидатсь, доцентсь Т.И.Мочалова. Сон лятфтазе инжихненди, што мокшень и эрзянь кяльхнень тонафнемаснонды факультетса шарфневи башка оцю мяль.

«Круглай шрать» пингста тифтольхть доклатт, конат лама ширде няфтезь мокшень кяльть тевс ноляманц. М.Е.Евсевьевонь лемса МГПУ-нь родной кялень и литературань кафедрань заведующайсь, филологическяй наукань докторсь О.И.Налдеева пачфтсь тяниень пингонь цифровой образованиять пингста родной кялень и литературань учительхнень тя вузса анокламаснон колга. Педагогическяй университетонь студенттне тиендихть лама проект, конат сотфт мокшень кяльть тонафнеманц мархта.

Мезе эряви тиемс кяльхнень ванфтоманкса, «XXI векста кялень активизмась» докладсонза азондсь «Экономикань высшай школа» Национальнай исследовательскяй университетонь лингвистикань Школань доцентсь А.А.Козлов. Мокшень кяльть мархта сон содафтсь 2012 кизоня, мзярда васенцеда ульсь экспедицияса Темниковскяй райононь Лесное Цибаево велеса. 2018 кизоня А.А.Козлов М.В.Ломоносовонь лемса МГУ-нь филологическяй факультетонь лия преподавательхнень мархта нолдасть «Элементы мокшанского языка в типологическом аспекте» книга.

Тяда башка, доклатт тисть философиянь наукань кандидатсь Е.Н.Ломшина, Саранскяень 39№ школань мокшень кялень учительсь О.В.Михеева, филологическяй наукань кандидатсь, доцентсь Н.Ф.Кабаева. Надежда Фёдоровна азондсь мокшень кяльть социальнай сетьтнень эса содафокс тиендеманц квалма.

Васедемаса примасть участия Н.П.Огарёвонь лемса Мордовскяй госуниверситетонь студенттне. Пуромкста меле участникненди явозь «Элементы мокшанского языка в типологическом освещении» книгать.

Сай конференциясь ётафтови 16-17 июньцта Москуса, коса тага вановихть мокшень кяльть мархта сотф кизефксне.

О.Белкина.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии внедрен безбумажный электронный документооборот

В рамках регионального проекта «Цифровое государственное управление» национального проекта...

Предпринимателей Мордовии научат создавать короткие видео-«REELS»

Министерство экономики, торговли и предпринимательства РМ совместно с Центром...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...