«Культуратнень диалогсна» од ломанень Всероссийскяй межнациональнай лагерсь

24-28 августста Саранскяйса работась «Культуратнень диалогсна» од ломанень Всероссийскяй межнациональнай лагерсь, конань, кирдемок мяльса «Государственнай национальнай политикать эряфс ётафтомац» Российскяй Федерациянь государственнай программать тевс нолдаманц, Национальносттнень тевснон коряс Федеральнай агентствась тядде пуроптозе Мордовиять столицаса.
Эсонза примась участия 150 ломань Пензенскяй, Ульяновскяй, Новосибирскяй, Омскяй областтнень, Башкортостан, Татарстан, Крым, Чувашскяй, Тыва, Мордовия Республикатнень эзда, а стане жа Сирийскяй Арабскяй Республикаста.
Лагерсь сувафнесь эсь эзонза мялень салай кели программа, экспертнай сообществать, властть, культурать и бизнесть представителензон мархта васедемат, тематическяй мастер-класст. Тяда башка, творческяй тевть виияфтоманц и содафокс тиеманц инкса работасть тяфтама направленият: национальнай темас рисункат, декоративно-прикладной искусствась, спортонь национальнай виттне, национальнай костюмсь, национальнай ярхцамбяльхне, национальнай морось, национальнай фольклорсь и стак тов.
25 августста Radisson Hotel & Congress Center Saransk отельса ётафтовсь «Культуратнень диалогсна» од ломанень Всероссийскяй межнациональнай лагерть официальнайста панжевомац.
Тяда инголе Национальносттнень тевснон коряс Федеральнай агентствать руководителенц заместителец С.А.Бедкин отвечась массовай информациянь средствань представительхнень кизефксснон лангс.
Валонзон коряс, «Культуратнень диалогсна» лагерсь эряви од ломаттнень мархта работаманкса. Стирьхненди и цёратненди шарьхкодема, кодама козя, лама нациянь странаса синь эряйхть. Самай диалогть вельде уленди культуратнень фкя-фкянь эзда козякодомасна, ся нароттнень, конат эряйхть странасонк, од койснон-обуцяснон мархта содафтомась.
Саранскяи састь творческяй стирьхть и цёрат, синь арайхть фкя-фкянь мархта ялгакс, сяда тов кармайхть тянь виияфнема, получайхть содамошит од проекттнень эзда.
Мес лагерсь ётай Мордовияса? Сяс, мес мокшэрзянь масторсь аськолксонь аськолкс моли сянди, штоба арамс Россиянь финно-угорскяй миронь столицакс. Республикаса лац ладяф работась национальнай отношениятнень коряс, оцю мяль шарфневи мокшэрзянь народть культуранц ванфтоманцты и няемс мокшетнень и эрзятнень козяшиснон—лагерть ётафтоманц целензон эзда фкясь.
Кеняртьфти ся, што лагерьса участиянь примай региоттнень лувкссна фалу касы. Тядде пуромсь 150 участник, нинге 12 ломанць Сирийскяй Арабскяй Республикаста. Стирьхне и цёратне састь Сирияста, коса РФ-нь Оборонань министерствать мархта марса аф васенце кизось ни ётафнетяма гуманитарнай миссият.
Кода азозе С.А.Бедкин, Сирийскяй Арабскяй Республикань од ломаттне шарфнихть оцю мяль странаньконь лангс.
Лагерсь сувафтф государственнай национальнай политикать эряфс ётафтоманц программанцты, сяс кармайхть вешендевома од кит-ятт тянь сатоманкса.
Лагерть панжемста прологса няфтьфоль «Шумбрат, шумбрат» вокально-хореографическяй сюитась, конань эса примасть участия «Умарина» моронь и кштимань Мордовскяй государственнай ансамбльсь, «Келу» фольклорнай ансамбльсь, «Росичи» моронь Мордовскяй государственнай театрась.
Приветственнай валхт лагерень участникненди азсть С.А.Бедкин и Мордовия Республикань культурань, национальнай политикань и архивнай тевонь министрсь С.Н.Баулина.
С.Н.Баулина лувозе Мордовия Республикань Оцюнять А.А.Здуновонь приветственнай адресонц лагери сембе пуромфненди.
Сяда тов ушедсь «Диалог на равных» пуромкссь. Эксперттне С.А.Бедкин и С.Н.Баулина корхнесть од ломаттнень мархта инь эрявикс тематнень колга, макссесть кизефкст.
Шить омбоце пялестонза лагерсь поладозе работанц сяда тов.
26-27 августста «Культуратнень диалогсна» од ломанень Всероссийскяй межнациональнай лагерсь работась инголенди арьсеф планть коряс, а сяльде шумордазе эсь работанц.
Т.Альшина.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...