Кяльть и культурать ванфтомаснонды—башка мяль

16 декабрьста Саранскяйса ётафтовсь Мордовскяй (мокшень и эрзянь) народонь Межрегиональнай общественнай организациять Исполкомонц келептьф заседанияц. Эсонза примасть участия делегатт кемонь региоттнень эзда: Башкортостанцта, Татарстанцта, Чувашияста, Челябинскяй, Пензенскяй, Нижегородскяй, Саратовскяй, Московскяй областтнень и Мордовия Республикань сембе райоттнень эзда. Пуромксса ульсть представительхть МР-нь Правительстваста: Мордовия Республикань Оцюнять и Мордовия Республикань Правительствать Администрацияснон руководителенц заместителец—Внутренняй политикань управлениять начальникоц Александр Ратников, МР-нь Госсобраниять Председателенц заместителец Сергей Вдовин, Мордовиянь образованиянь министрть заместителец Иван Дугушкин, МР-нь культурань, национальнай политикань и архивнай тевонь министрть васенце заместителец Александр Карьгин и лият. Корхтамась мольфтевсь сянь колга, мезе тифоль 2022 кизоня республикасонк и странань лия региоттнень эса, коса эряйхть мокшэрзят, кяленьконь, культураньконь ванфтоманкса и виияфтоманкса и кодама тефт арьсекшневи тиемс тянкса сай кизоня.

Исполкомть заседанияц ушедовсь М.Е.Евсевьевонь лемса МГПУ-са. Вузть ректороц Марина Владимировна Антонова азондсь сянь колга, кодама проектт тячи сувафневихть эряфс университетса мокшень и эрзянь кяльхнень тонафтомаснон и тонафнемаснон цебярьгофнеманкса. Марина Владимировна шарфтсь мяль «Школа мордовских языков» онлайн-проектть лангс, конань вельде кяленьконь ули кода тонафнемс мокшень и эрзянь шабатненди и оцю ломаттненди аф аньцек республикасонк, но и диаспорасовок. М.В.Антоновать валонзон коряс, 2023 кизоня проектонь группась ёрай молемс инжикс лия региоттнень эса эряй мокшэрзятнень шири и тиемс мархтост онлайн-уроконь съёмкат. Нинге МГПУ-са покодихть учебниконь и методическяй эрь кодама пособиянь анокламать лангса.
Образованиянь министрть заместителец И.К.Дугушкин пачфтсь сянь колга, што мокшень и эрзянь кяльхнень коряс тонафнемань пособиятне ётазь эрявикс экспертизать и сувафтовсть федеральнай учебникнень лувксс. Тя кизефкссь аф весть кепсевсь съезттнень и лия эрь кодама пуромкснень пингста. Иван Дугушкин азсь оцю сюкпря сембонди, кие покодсь тя тевть решандамаса. Од учебникне маластонь пингть пачфтевихть аф аньцек республикань школатненди, но и лия региоттненди, коса мокшэрзянь кяльхне тонафневихть ни или кармайхть тонафневома. Иван Кузьмич башка лоткась «Мокшень и эрзянь кялень инь цебярь кабинетсь» пялькстомать лангс. Кизоста кизос коль сяда и сяда лама школа примси эсонза участия. Тядде республикасонк васенцеда ётафтовсь родной кялень учителень форумсь. Азфоль мяль пуропнемс тяфтама форупт эрь кизоня, сяс мес синь пяк эрявикст.
Культурань, национальнай политикань и архивнай тевонь министрть васенце заместителец Александр Карьгин азондсь ведомствать мероприятиянзон колга. Лятфтазе Мокшэрзянь од ломанень форумть, кона тядде стане жа ётафтовсь васенцеда. Сай кизоть сонь форматонц арьсекшневи полафтомс, форумсь сяда келептеви. Анокламонза кармайхть синць од ломаттне.
Пуромксса башка мяль шарфтфоль специальнай военнай операциянь участникненди лезксонь максомать лангс. Мордовскяй (мокшень и эрзянь) народонь Межрегиональнай общественнай организациять председателец Юрий Мишанин эняльдсь пуромфненди аф лядондомс ширеса тя тевть эзда, лезнемс, кие мезьса машты.
Заседаниянь фкя кизефкссь лемтьфоль учёнайти А.С.Лузгинонди, кона лама киза ульсь Мордовскяй (мокшень и эрзянь) народонь Межрегиональнай общественнай организациять Исполкомонцты вятикс. Колганза лятфнеманзон пачфтезень профессорсь В.И.Рогачёв.
Сяльде максфоль вал диаспораста сафненди. Лия аймакса эряй мокшэрзятне азондозь, кодама прябалатне синь таколфтсазь, кодама илат и мероприятият синь ётафнесть кизоньберьф, штоба пуроптомс марс кяльс коре радняньконь, кеподемс национальнай самосознанияснон. Сембода оржа прябалась—школатнень эса мокшень и эрзянь кяльхнень тонафнемасна. Мордовиясь надияфтсь лездомс учебникнень и лия эрявикс пособиятнень мархта.
И.Фадеева.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...