Ёфси аф кунара лиссь С.Д.Эрьзянь лемса изобразительнай искусствань музейть коллекциястонза картинкатнень и скульптуратнень рисункаснон мархта мордовскяй (мокшень и эрзянь) азбука. Книгать автороц—музейнай педагогикать отделонц заведующаец Наталья Осянина. Издательсь—Константин Шапкарин.
Алфавитонь эрь буквась няфни эсь мархтонза музейса ванфтови шедевра, конань колга азондови колма кяльса—рузоннеса, эрзяннеса, мокшеннеса. Эрзянь кяльс ётафтыкс арась МР-нь Писателень союзть правлениянц председателец Татьяна Швецова, мокшень кяльс—«Мокша» журналть прозань отделонц редактороц Марина Стешина.
Книгась нолдаф МР-нь Оцюнять и МР-нь Правительствать Администрацияснон финансовай лезксонц вельде.