Мезе сотнекшнесть прязост мокшаватне

Кда авась наряжай мокшень щамса, прязонза соты руця: коса-бди шарня лаца, коса-бди сюроня мархта. Кой-кона аймакнень эса руцять лангс сотнекшнихть нинге мазы ожнаста тиф коняфкст. А вдь тяфта ульсь аф фалу. Аньцек сяда кизода инголе мокшавать пряс путомадонза ламоль. Азонттама кой-конатнень колга.

Калгода пряс путоматнень эзда фкяти мярьгольхть куйгор. Сон лувондовсь свадьбаннекс. Тя ульсь потмаксфтома цилиндра, конань тиендезь куйгорста. Серецоль 30-35 сантиметра. Лангонц стакшнезь якстерь котфса и эрь-кодама тюсонь лентаса. Алга нолявсь сяда кели и сяда мазы лента, сонь кувака пензон сотнекшнезь фталу и меле синь нюрьгсть копорть ланга. Рьвянятне вельхнезь куйгорть фатаса. Пингонь ётазь и лентать, и фатать кармасть каннемост куйгорфтома.
Рьвакс туф аватне каннесть панкт. Содаф этнографсь П.С.Паллас тяштсь: «Авань кичкась, конань синць лемнесазь пангокс, аф пяк сери, и вельф апак мазоптт эрь-кодама кальдердемаса. Сон цютькя мазоптф сёрмаса и касма ширде сотнекшневи стаф лента вельде». Панга каннесть ламоц вастова.
Панкне улендсть колма видонь. Васенцесь—прямоугольникокс стаф кяскавня, кона цють тяйнялготкшнесь алуце ширде, лангоц стафоль якстерь котфса, а потмозонза тонгондовсь досканя. Фталда пангсь ащесь котфонь кафта прямоугольнай пяльксста, конат стане жа стафтольхть кумацьса, и алу нолдафоль нинге фкя котф пакш, кона коня пяльксть лаца мазоптфоль тяфтама жа сёрмаса, а нинге сиянь или зрнянь сюреста пяльтьф пикскяняса. Сидеста теенза стакшнесть ракакудняста кочкаф кувака сёкт. Мзярда щакшнезь пангть, прять сотнекшнезь руцяса чалма лаца, а сяс няевсть аньцек седяфкясь и сёрматне. Сяда оцю иласта пангть каннелезь коняфкс мархта, а руцять уженянзонды, конань сотнекшнезь прязост, стакшнесть ожнаняста сёконят. Тяфтама панкт каннекшнесть XIX-це векть песта и XX-це ушетксста 1925 кизоти молемс.

Омбоце видонь пангть каннезь Темникава аймаконь велетнень эса. И тя пангсь сяда кунардонне. Сонь каннемдонза лоткасть XIX-це векть песта. Мярьгондсть теенза бабань панга. Сон ульсь котфонь чепец лаца, трапециянь кодама лопасть мархта, кона валгондсь копорть лангс. Чепецть, сембодонга пяк ингольде, мазопнезь сёрмаса, а шава васттнень стакшнезь кумацьса. Фтала сёрмаса вельхнезь лопасть алонц и боконзон, кадондомок кучкать акшеста. Сотнекшнезь тя пряс путомать пикскяня вельде.
Тя пангть XIX-це векста каннезь кода од, стане и эряфкшу аватне. Бабань пангть вельхнелезь руцяса. Оттне нинге сотнекшнесть коняфкс—якстерь котфонь пялькс, конань лангс стафтольхть ожнат, ярмакт и пунят. Кой-кона велетнень эса мазыста сёрматф бабань пангть рьвянясь казендезе авозенцты.
Пангонь колмоце видть каннелезь Ковылкинань, Рузаевкань, Инсарань и Пенза аймаконь мокшаватне. Сон ульсь пцтай квадратнай. Копорть лангс прашенды котфть кувалмоц ульсь 30-35 сантиметра. Стакшнезь пангть котфста, лангонц—кумацьса. Инголе кадондсть аф оцю акша пакш, конань сёрматкшнезь эрь-кодама тюсса понань сюреса. Сяда сидеста нолявсть тевс якстерь и равжа тюсне. Копорть лангс валги котфсь цють сяда тяйняль сонцень пангть коряс. Мазопнелезь сонь лентаса и зрнянь сюреста пяльтьф пикскяняса, кие-бди сёрматкшнезе сюреса. Тяфтама пангть каннелезь коняфкс мархта. Сонь тиендезь китьксокс мянтьф руцяняста, конань пенза сотнекшневсть инголе. Пангть пенцты кой-коста стакшнесть эрь-кодама тюсонь ожнаняста кружеват, конат валгондсть конять лангс.
Пангть каннекшнезь рьвакс туф аватне и щакшнезь сонь аф эсток свадьбань шиня. Кепотьксонди, Ковылкинскяй райононь Малав велеса пангть од авать пряс щафнезь пингонь ётазь. Кда свадьбась ульсь Михалуста (21 ноябрьста), пангть щакшнезь Масланцяста. Краснослободскяй райононь Мокшень Парка велеса причёскань полафтомань и пангонь сотомань илась ётнесь Очижинь недяляста. А тяда инголе од авась каннесь стирень каса и прянц сотнекшнезе стирькс.
Пангта башка кой-кона велетнень эса каннесть тяфтама пряс путомат, кода сорока и златной. Зубу аймаконь Журавкина, Промза, Селищи, Подлясова и лия велетнень эса эряфкшу аватне каннесть эсь лацонь пряс путома, кона ащесь лосникста, затилкаста и платенцяста.
Ужяль, тя сембось ни пцтай сядот киза кода лядсь аньцек музейхнень эса. Комозце векть кучкаста мокшаватне кармасть каннема пцтай аньцек руцят: гарсовай—понань котфста руця (якстерь); солот—зрнянь сюреса сёрматф руця; питни–понань сюреста оцю руця.

Последние новости

Предприятия Мордовии повышают производительность труда

51 предприятие Мордовии принимает участие в реализации регионального проекта...

За три года количество самозанятых Мордовии увеличилось почти в шесть раз

Количество в регионе физических лиц, которые применяют специальный налоговый...

В Атюрьево прошел мониторинг выполнения народной программы «Единой России»

В рамках партийного десанта председатель  районного совета депутатов Татьяна  Волкова  и заместитель...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

Предприятия Мордовии повышают производительность труда

51 предприятие Мордовии принимает участие в реализации регионального проекта «Системные меры по повышению производительности труда» национального проекта «Производительность труда». Нацпроектпризван создать условия для ежегодного прироста...

За три года количество самозанятых Мордовии увеличилось почти в шесть раз

Количество в регионе физических лиц, которые применяют специальный налоговый режим «Налог на профессиональный доход» продолжает уверенно расти. Так, благодаря национальному проекту «Малое и среднее...

Призер Чемпионата мира и Европы по армреслингу Галина Учаева встретилась с молодым поколением в рамках цикла мероприятий «Встречи с чемпионом»

В Штабе общественной поддержки Республики Мордовия сегодня состоялось первое мероприятие в рамках марафона «Сила России», который проводит партия "Единая Россия". Открыла его заместитель руководителя...