МОКШАВАНЯ-БАЯРАВАНЯ

Ноябрть омбоце пялестонза Торбеевскяй районнай библиотекаса тифтольхть итокт «Мокшэрзянь народть бытоц, обуцянза и коенза» творческяй краеведческяй работатнень районнай конкурсснонды. Сон ульсь Культурнай инициативатнень Президентскяй фондснон «Нить связующая» (Торбеево) проектонц эряфс ётафтоманц мяльса кирдезь и ащесь несколька номинацияста. Кепотьксонди, «Тонафнесайне, кельгсайне, ванфтсайне койхнень», «Народозень традиционнай праздниконза», «Национальнай портретсь».
«Районнай библиотека» МБУК-ть директоронц, жюрить председателенц О.Б.Заверткинать валонзон коряс, конкурсса сембоц примась участия Торбеевскяй муниципальнай райононь сисем школатнень эса тонафнихне. Эрь конкурсантсь лама тись эсь проектонц тонафнеманц, тиеманц и колганза азондомать коряс.
Конкурсанттнень ёткса ульсь мокшень стирнясь, Торбеевскяй 3№ школаса 3«А» класса тонафнись Василиса Кидяева. Сон и класснай руководителец, мокшавась Светлана Петровна Горьканова анокласть «Кунардонь пингста мордвать бытоц» темас коре проект. Аф ваномок сянь лангс, што Василиса ашезь пова пялькстомати конкурсть кизонь (возрастонь) условиянзон мяльса кирдезь, теенза сембе сяка казьфоль казне.
Василиса Кидяева тись презентация проектонцты, азондсь колганза мялень салайста.
Стирнясь щафоль-каряфоль мокшаванянь костюмса, конань теенза аноклазе щавац—Торбеевскяй райононь Мокшень Ювня велеса шачф-касф мокшавась Аксинья Ивановна Кисткина. Тяни сон эряй Торбееваса. Василиса щаванц ширеса уленди сидеста. Синь пяк цебярь ялгат. А.И.Кисткина оцю мяльса пачфни уноконцты коеньконь-обуцяньконь колга. Вов и мокшаванянь щам аноклась стирняти. Мазопневи нарядсь крганятнень вельде. И сон пяк ладяй Василисати. Ванат лангозонза и эсьотям лядихть мялезт мокшаваня-баяраваня валхне.
В.Кидяевась проектонь тиемста азозе, што щавац, Аксинья Ивановна, кудса якай мокшавань щамса. Щятяц и щавац корхтайхть мокшекс.
Родной кялень, коень, национальнай щамонь ванфтыкс и кельгикс касы и уноконясна Василиса.
Т.АЛЬШИНА.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...