МОКШЕНЬ КЯЛЕНЬ КЕЛЬГИ

Екатерина Емелькина тонафни Саранск ошень 17№ средняй общеобразовательнай школаса. Стирнясь кельгсы мокшень щамса якаманц. Фалу примай участия тядянь-алянь кяльса ётафневи кодама повсь илатнень, пялькстоматнень эса. И тя сонь аф кальдявста лисенди, сявондьсыне сяськиень и призёронь васттнень. Асу стирнять мархта покоди тонафтыец Е.Н.Сандина.
—Коста минценнети, мокшеннети, тяшкава оцю кельгомась?—кизефнеса Катянь тядянц.
—Краснослободскяй райононь Сире Синдру велеста,—отвечась Н.И.Сенькина.—Тядянь-алянь кяльти, мокшень щапненди кельгомась сась монь шачема-касома велестон, коса стирняньке уленди пяк сидеста.
Надежда Израилевна профессияс коре юрист. Вов ни лама киза трудендай «Электровыпрямитель» заводса. Мирдец, А.В.Емелькин, индивидуальнай предприниматель. Катяда башка синь нинге фкя стирнясна, кона тонафни тяка жа школаса кафксоце класса. Родительхне сембонь тиендьсазь сянкса, штоба шабасна получальхть цебярь образования. А мокшеннети кельгомась афкукс сась Сире Синдру велеста.
Илья ВЕШКИН.
Снимкаса: Екатерина Емелькина.