2022 кизоня культурнай инициативань Президентскяй фондть васенце конкурссонза сяськихнень ёткс сувась Атюрьевскяй райононь Культурань кудть проектоц, конань лемоц Идень объединения «Пачат».
Атерь аймаконь аватне, конат лац содасазь мокшень пачань пидемань-панемань сембе секреттнень, азонкшнесазь синь шабатненди, содафнесазь стирнятнень-цёранятнень Атюрьевскяй районть историянц, культуранц, коензон-обуцянзон мархта.
Тонафнемать шумордамдонза меле ётафтови «Пачань мастерской» конкурс. Эсонза колма сяськихне молихть мокшень пачань пидемать-панемать коряс мастер-классонь няфтема Старошайговскяй и Ельниковскяй райоттненди.
Шабатне оцю мяльса примайхть участия тя проектть эса. И тя кеняртьфти. Тя корхтай сянь колга, што синь ули мяльсна содамс национальнай культурать, атяснон-бабаснон койснон-обуцяснон, промозснон, кельгома тевснон колга.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+