Москуса ванфтольхть этнокультурань кизефксне

16-17 июньцта Москуса, Россиянь Общественнай палатаса, ётафтовсь «Устойчивое развитие этнокультурного сектора» III Общероссийскяй конференциясь. Сон арась мекольце мероприятиякс «ЭтНик: ресурсное сообщество» Всероссийскяй проектти. Конференциять пингста азфтольхть национальносттнень ёткса сотксонь латцемать коряс инь цебярь практикань IV Всероссийскяй пялькстомаса сяськихнень лемсна. Тяда башка, программати сувафтфтольхть мероприятият, конатнень ширеснон кирдезень Президентскяй грантонь фондсь. Нят «Евразийские мосты дружбы объединяют народы» международнай мультикультурнай проектть «круглай шрац» и «Всяк сущий в ней язык» Всероссийскяй проектть итоговай конференцияц.

Эсонза примасть участия представительхть Мордовиястовок. Н.П.Огарёвонь лемса госуниверситетонь филологическяй факультетонь деканть заместителец Надежда Кабаева азондозе, кода вузсост аноклавихть мокшень и эрзянь кялень учительхне. Оксана Белкина, кона содаф финно-угратнень ёткса кода од этно-блогер, пачфтезе пуромфненди, кода тячи ноляви тевс мокшень кяльсь социальнай сетьтнень эса. Сембоц конференцияса кулхцонтфоль кемоньда лама доклад. Эсост оцю мяль шарфневсь сянди, кода региоттнень эса тонафневихть национальнай кяльхне и ванфневихть национальнай койхне. Удмуртияса эряй бесермяттне, конатнень эзда тячи лувондови цють колма тёжяньда лама ломань, содафтозь конференциянь участникнень сире пингонь морамаснон мархта, а Ханты-Мансийскяй автономнай округста сафне азондсть «Нумсанг ёх» (Арьси ломатть) идень сменатнень колга, конатнень пингста шабатне тонафнесазь родной кяльснон, лятфнесазь атянь-атяснон койснон-обуцяснон.
—Тячи минь эстрадасонк пяк лама омба мастороннеда. Английскяй кяльсь кайги сембе вастова, а минценнетне прокс «матрафт». Этносонь пялькссь шашфтф ичкози и пцтай прокс юкстаф,—китькстазе межэтническяй журналистикань Гильдиянь президентсь Маргарита Лянге.
Нинге сон кошардозень пуромфнень пачфтемс регионгаст куля «ЭтноLife» проектснон-пялькстомаснон ётафтоманц колга, конань рамкаса кармай мольфтевома работа 5 этногруппатнень мархта, штоба тиемс синь содафокс Россияса. Кялень прябалать колга корхтась и Государственнай Думань депутатсь Лариса Буранова, кона тяда инголе лама киза покодсь Удмуртия Республикаса.
—Социальнай исследованиятне няфнесазь, кодама мялень салай тяза уле проектсь, мзяра эздост тят пуропта, но кяльфтома мезевок аф ули. Кяльсь тя семботь юроц. Кяльфтома аф ули народське. Кда кяльсь туй школатнень эзда—тя ули оцю зиян. Тяниень пингть эряви лама работамс кяльхнень тонафнемаснон коряс, вдь рэпонь морайхть Россиянь нароттнень кяльса тячи нинге мувихть, а вов романонь сёрмадыхть пцтай аш. И тя пяк пичефти,—мярьгсь Лариса Буранова.
Нинге сон азондсь закононь проекттнень колга, конатнень коряс тяни мольфтеви покодемась Госдумаса. Тяконь лувксса, ванондови странань ошнень эса английскяй кяльса и латиницаса вельф лама вывескань улемась. Мала пингть, улема, синь лувкссна кирьфтави.
Сатомшка корхтафоль территориянь бренттнень и этнотуризмать колгавок. РФ-нь Общественнай палатаса территориянь виияфнемань и местнай самоуправлениянь комиссиянь председательсь Андрей Максимов содафтозень сембонь «Живое наследие РФ» информационнай платформать мархта, коза сувси пцтай 500 региональнай бренд. Проектсна тефт мольфти 2019 кизоста сявомок. Сон аф аньцек лезды туристтненди ладямс киснон-янцнон Россиять эзга, вельденза стане жа удалси вельмофтемс и ванфтомс срадомада-каладомада культурань и историянь объекттнень. Андрей Максимов китькстазе, што культурнай наследиять ванфтомац, региональнай брендонь арьсемась-нолдамась лездыхть тиемс юкстаф-катф ошса или велеса стама вастт, коса кармайхть анокт эрямс ломаттне и, конатнень виияфнемаснонды кармайхть ноляма ярмакснон бизнесметтне. Азфтольхть эльбятьксне, конат сидеста нолявихть региональнай брендонь тиемста.
«Устойчивое развитие этнокультурного сектора» конференциять аноклазь РФ-нь Общественнай палатась, Национальнай отношениянь сфераса ресурснай центрась, Россиянь нароттнень Ассамблеясна Россиянь Президентть видеса межнациональнай отношениятнень коряс Советть и Национальносттнень тевснон коряс федеральнай агентствать ширень кирдемаснон вельде.
И.ФАДЕЕВА.

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...