19 июньцта Москуса, ВДНХ-са, «Россия» Международнай выставкать-форумть территорияса, ётафтови «Шумбрат, Моску!» национально-фольклорнай ила. Инжихнень учендсыне культурнай козя программа.
Панжеви мероприятиясь 14:00 частса ульцянь сценать лангса Москувонь и Московскяй областень творческяй коллектифнень гала-концертснон мархта.
17:30 частса «Варма» этно-арт-театрась няфтьсы национальнай щамонь коллекциянц. Сяльде кармай Мордовиянь, Москувонь и Московскяй областень национальнай коллектифнень театрализованнай шествиясна.
Мероприятиять торжественнай пяльксоц ушедови 18:30 частса «Сембе минь—Россия!» прологть мархта. 19:00 частста илас сайхне няйсазь Мордовиянь творческяй коллектифнень и искусствань деятельхнень концертснон.
Сембе тя пингть ВДНХ-са кармай работама «Мордовия мастеровая» площадкась, коса ётафтовихть республикань народнай художественнай промыслатнень и ремеслатнень коряс мастер-класст.