МОСКУВОНЬ ФОЛЬКЛОРИСТТНЕ СОДАФТСТЬ МОРДОВИЯТЬ ЭТНОКУЛЬТУРНАЙ НАСЛЕДИЯНЦ МАРХТА

Федеральнай исследовательскяй проектонь участникне, Российскяй академиянь наукань, В.Д.Поленовонь лемса Народнай творчествань Государственнай российскяй кудонь научнай сотрудникне, марса Народнай творчествань региональнай кудть мархта ульсть Свято-Варсонофиевскяй авань монастырьса (Покровские Селищи велесь) и Зарубкино велеса.
Мордовская Поляна велень эряйсь Валентина Дмитриевна Пинясова содафтозень инжихнень национальнай сёрмадомать мархта и няфтезень кунардонь устнай музыкальнай фольклорть и ритуальнай мораматнень—рьвянянь явсемать, кулофнень инкса явсематне.
Велеряйхне стане жа няфтезь авань кштиматнень, морасть Тройцянь, свадьбань, матотфтомать морот и национальнай сиде моронят.
Инжиень примай азораватне аф аньцек азондсть национальнай ярхцамбяльхнень и симомбяльхнень колга, но и тязк пидесть-панцть мокшень эчке пачат и каванязь инжихнень позаса и шапама лофцса.
Тяда башка, исследовательхне «Журавушка» Зубово-Полянскяй фольклорнай ансамблень самодеятельнай артисткатнень участияснон мархта ванозь коняфксонь кодамать.
Мордовиять культуранцты оцю оценка макссь Россиянь Президентсь Владимир Путин. «Мордовиясь, афкукс, пяк мазы республикась. Мялезон, кода ломаттне кородозь малаткшнихть эсь койснонды-обуцяснонды, культураснонды»,—азозе Президентсь.