27 сентябрьста Культурань республиканскяй Дворецса ётафтовсь пресс-конференция, кона лемтьфоль Мордовиянь государственнай филармониять «Музыкальнай ковчег» концертнай од программанцты.
Кода пачфтезе журналисттненди госфилармониянь директорсь Сергей Кузьмин, «Музыкальнай ковчег» проектсь аноклаф Президентскяй целевой грантонь лангс, конань филармонияти удалась сатомс конкурсса. Ётафтсы эряфс «Музыкальнай ковчегть», конань программас сувасть Россиянь и Мордовиянь инь содаф композиторхнень моросна и музыкальнай лия произведениясна, Мордовия Республикань государственнай камернай хорсь.
27 сентябрьста сявомок, мзярда «Музыкальнай ковчег» концертсь васенцеда няфтевсь Культурань республиканскяй Дворецса, камернай хорсь мархтонза ётай республикань сембе райоттнень эзга. Сембе зрительхненди тя концертсь няфтеви питнефтома!
Кода мярьгсь сяда тов Сергей Кузьмин, «Музыкальнай ковчег» концертнай проектсь республикаса кармай мольфтевома тяддень 21 ноябрти молемс. Сяльде сон ётафтови странань лия региоттнень эса.
Грантонь эряфс ётафтомать коряс госфилармониянь менеджерсь Алевтина Мишурина-Кугута эсь ширденза пачфтезе журналисттненди: кле, «Музыкальнай ковчег» концертнай программась кармай касфневома-келепневома сяда тов Мордовиянь композиторхнень и поэттнень произведенияснон вельде.
Пресс-конференцияда меле «Музыкальнай ковчег» проектть васенце концертоц ётафтовсь Культурань республиканскяй Дворецса.
Зрительхне теенза макссть оцю питне!
В.НЕСТЕРОВ.