Нина ВИЛЯЙКИНА: «Национальнай культурань центраса работась тиендьсамань павазу ломанькс»

Ушедсь Од кизось. Тядде «Мокшень правдаса» сяда тов поладсаськ мялезонт туф рубрикатнень ала материалхнень макссемаснон. Надияфттама кеняртьфтемс тинь, кельгома морафтыеньконь, и од тематнень мархта. Тянь ширде планоньке оцюфт, а пяшкодевихть синь аньцек эста, кда минь, мокшень кяльса лисенди газетаса работай журналисттне, карматама кирдема мархтонт соткст. Мезське аф полафтсы республикань тя или тона райононь эряйхнень мархта «эрек», шамада-шамас васедемать. Оцю и питни казнекс редакциянь сотрудникненди арси тяфтама эрь командировкась. Фкясь эздост—Старошайговскяй райононь Сире Теризморга мокшень вели якаманьке материалонь ширде меляста «аськолдась» тяддети. Васьфтемок Национальнай культурань районнай центрать коллективонц мархта, эстокиге саме мяльс, што тостонь мокшаватнень колга ули кода анокламс аф кржа материал.

Тячи содафттядязь мокшавать-баяравать Нина Виляйкинать мархта. Нинге кемоньшка кизода инголе Нина Васильевна ашезь арьсекшне, што эряфонь киц вятьсы Национальнай культурань районнай центрав, а тяни аф арьсесы эряфонц соньфтемонза.
Шачсь-кассь мокшавась Сире Теризморгаса Живайкиттнень трудонь кельги семьяса. Мария Николаевнань и Василий Ильичень ниле шабасна: кафта цёрат и кафта стирьхть. Нина ёткстост сембода ёмлась. Мария Живайкина заняфоль кудонь тефнень, иттнень касфтомаснон мархта, кой-мзярс покодсь КБО-са сташендыкс. Эряфкшу ломаттне мяляфтсазь, мезе тя тяфтамсь—бытовой обслуживаниянь комбинат. Василий Живайкин шофёроль «Сельхозтехника» организацияса.
Нина Васильевнань валонзон коряс, шачфтыец—зрнянь кядь мокшаваль. Сташендсь кода мокшень щапт, стане и стапт, конат нолявсть тевс эрь шиня: платьят, брюкат, котцесь вндерняса свитерхт, кофтат. Аф аньцек эсь семьянцты, но и лия ломаттненди.
Живайкиттнень марнек семьясна ульсь музыкальнай асуши мархта. Мария Николаевна и Василий Ильич синць, эсьотям тонадсть гармонияса и кургса морама. Меле, лангозост ванозь, гармониять мархта ялгакс арась цёрасна Николай Васильевич. Стирьсна, Елена Васильевна, шумордась музыкальнай школа. Цебярь вайгяльса Шкайсь казезе и Нина Васильевнань.
Сире Теризморгаса школать шумордамдонза меле Нина Живайкинась тусь тонафнема Саранскяи, коса аделась училища и арась мишендикс. Мрдась шачема велезонза, лиссь рьвакс мокшень цёрати Николай Виляйкинонди. Пцтай киза оттне эрясть Николай Николаевичень шачфтыензон-касфтыензон мархта, а сяльде ушедсть эряма башка.

Виляйкиттнень фкя-фкянь мельге шачсть кафта идьсна. Ольга Николаевна и Николай Николаевич тяни оцюфт ни, кафцьке Москусот. Синць семьянь «пизот» нинге ашесть пуропта, но сембось, кода корхнихть, нинге инголе.
Семьянь азорсь, Николай Виляйкин, трактористоль. Ужяль, пяк рана тусь эряфста, кадомок рьванц кафта идь мархта удавакс.
Виляйкиттнень ульсь мишендемань ларёконясна, коса мокшавась и работась. Сяда тов лиссь покодема школав техничкакс. Меле, кода азозе сонць, сявозь работама Национальнай культурань районнай центрав.
«Аф васенце кизось работан центраса, кона арась тейне омбоце кудкс. Культорганизаторолень, тяни—идень кружоконь руководителян. Работас коре ялгане—пара вайме, фкя-фкянь шарьхкоди ломатть. Оцю спасиба директороньконди Светлана Видясовати. Фалу анок лездомс»,—мярьгсь Нина Васильевна.
Сон тяда инголе морсесь Сире Теризморгань хорса, сяс центрань сотрудникнень мархта соткст кирдсь кунара. Но аф ламода таколдсь, мзярда тердезь тоза работама. Пельсь, што аф сафтсы. Но, кода няфтезе пингсь, ризнась-лажнась шавос. И кувака моротнень, и авань кядьтефнень тонадозень. Сюреса сёрмадома маштсь инголивок. Тяни Нина Васильевна стаки морси Сире Теризморгань Народнай хорса, тиенди панар алгат, нардаманят, сюреса сёрмады салфеткат. Тевоц мялезонза.
Нина Виляйкина пяк кельгсыне мокшень щапнень-каряпнень. Кудса улихть мокшавань ниле панаронза, конат лядсть тядянц, Мария Николаевнань эзда.
Нина Васильевна омбоце мирденц Андрей Ивановичень мархта эряйхть тядянь-алянь кудса. Марстонь стирьсна, Екатерина, тонафни М.Е.Евсевьевонь лемса Мордовскяй государственнай педагогическяй университетса колмоце курсса. Сай пингонь профессиянди кочказе программированиять, сяс мес тя тевсь мялезонза.
Кудса мокшавась пиди-пани, муськи-шовай. Шранц лангса сидеста улендихть мокшень пачат, национальнай лия ярхцамбяльхть. Мзярда Москуста сашендыхть иденза Ольга и Николай, а Саранскяйста—Екатерина, марнек семьясь пуромкшни марс. Шабатне кельгсазь, мзярда тядясна морси морот.
Татьяна Альшина.
Фототне Николай КАРАНОВОНЬ.

Последние новости

В Мордовии открылись новые благоустроенные зоны отдыха

В Мордовии в этом году открылось сразу 7 новых...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные...

Нацпроект помогает бизнесу Мордовии стать узнаваемым и привлекать новых клиентов

Министерство экономики, торговли и предпринимательства РМ совместно с Центром...

Дан старт приемной кампании по программам «Профессионалитета»

В Мордовии начинается приемная кампания в колледжи и техникумы...

Нацпроект помогает семейному бизнесу Турбиных из Мордовии 

Министерство экономики, торговли и предпринимательства РМ совместно с Центром...

В Мордовии модернизируют службу занятости

Мордовия вошла в число пилотных регионов комплексной модернизации службы...

В Мордовии открылись новые благоустроенные зоны отдыха

В Мордовии в этом году открылось сразу 7 новых пляжей. Средства на их благоустройство были предоставлены предпринимателям республики в качестве грантовой поддержки. Работы велись...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром «Мой бизнес» оказывает поддержку предпринимателям Мордовии. Так, благодаря реализации национального проекта «Малое и среднее предпринимательство...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные дороги» в 2024 году будет капитально отремонтировано порядка 14 км дорог. В мае начались работы на...