Писательхнень и поэттнень пуромксста

8 августста Саранскяйса, Печатень кудса, ётафтовсь Мордовиянь писательхнень и поэттнень пуромкссна. Сонь панжезе республикань Писателень союзть председателец Татьяна Швецова. Сон макссь оцю оценка Мордовиянь писательхнень и поэттнень, конат кемокстасазь Россиянь нациянь нароттнень ёткса межкультурнай, межнациональнай и межрегиональнай соткснень, творчестваснонды. Тяфта жа пачфтьфоль, што республикань поэттнень и писательхнень творчествасна лац содаф Россияса. Тянь колга корхтайхть синь произведениясна, конат аф кунара печатлафтольхть «Поэзия и проза финно-угорских и самодийских народов» сборникса, кона лиссь Москуса. Тяда башка, республикань поэттнень и писательхнень произведениясна келиста няфтьфт «Проза и поэзия финно-угорских писателей России» сборникса, кона лиссь Екатеринбургса.
Мокшэрзянь литературать касоманцты и виияманцты оцю оценка макссть Россиянь Писателень союзонь членць, «Мокшень правда» газетать главнай редактороц Илья Вешкин, лия писательхне и поэттне.
Поэттне и писательхне фкя мяльса одукс кочказь Мордовиянь Писателень союзти председателькс Татьяна Швецовать, а тяфта жа кемокстафтольхть Писателень союзонь Од правлениянь члеттне и Ревизионнай комиссиясь.
Владимир Нестеров.