Рузонь цёрась тонафнезе мокшень кяльть

Алексей Андреевич Козлов—«Экономикань высшай школа» Национальнай исследовательскяй университетонь гуманитарнай наукань факультетонь доцент. Шачсь-кассь Коломна ошса, 2015 кизоня шумордазе М.В.Ломоносовонь лемса Московскяй госуниверситетть. Тостонь студенттне сидеста якайхть экспедицияс ламоц региоттненди, штоба ваномс, кода эряй-ащи народсь и кяльсь. Тяфта, 2013 кизоня Алексей Андреевич повсь Темниковскяй райононь Лесное Цибаево вели. 2013 кизоста сявомок 2018 кизоти молемс кялень содай учёнайхнень мархта тись 15 экспедиция Мордовияв. Кочкаф материалхнень коряс 2018 кизоня нолдасть «Элементы мокшанского языка в типологическом освещении» книга, коза сувасть 8 оцю пялькст, 38 глава, 1000 лама страница.
Книгаса Алексей Козлов М.В.Ломоносовонь лемса МГУ-нь и «Экономикань высшай школа» университетонь лия учёнайхнень мархта ванозе мокшень кяльть фонологиянь, морфологиянь и синтаксисонь ширде. Оцю тя исследованиять пингста од цёрась тонафнезе мокшень кяльть: семботь шарьхкодьсы и аф кальдявста корхтай. Кяльсь и народсь арасть теенза тяшкава малакс, што ломанти, кона корхтай литературнай мокшень кяльса, сон эстокиге муй каршек вал: «А минь темниковскяй диалектсонк азсаськ валть лиякс».
2021 кизонь февральста сявомок и тяддень июльти молемс Россиянь народонь Ассамблеясь вяти оцю проект, конань лемоц «Всяк сущий в ней язык. Россиянь народонь кяльхнень ванфтоманкса образовательнай и медиа инфраструктурань тиемась». Эсонза вановихть 4 кяльхть: хантынь, нанайскяйсь, тверской карелонь и мокшеннесь. Проектонь вятихнень эзда фкясь—Алексей Козлов, кона мокшень кяльда башка нинге аф кальдявста содасы хантынь кяльть.
Тя оцю тевти васенце пяльксокс арась социолингвистическяй исследованиянь тиемась: кода ванфтовсь кяльсь велеса и ошса. Омбоце пяльксоц—вебинаронь, семинаронь, «круглай шрань» ётафтомась. Колмоцесь—информационно-ресурснай средань тиемась (онлайн-разговорникт, кяльса видеот, статьят).
«Койсот, мезсь сембода стакась мокшень кяльть тонафнемаса?» кизефксть лангс Алексей отвечась тяфта: «Эрь кяльть сонцень стакашинза. Тейне мокшень кяльть тонафнемста стакаста максовсть лично-притяжательнай и объектнай спряжениянь суффиксне». Алексей шарьхкодьсы, што кялень ванфтомань тефне ушедомат мезьстонга ёмласта. Кепотьксонди, тиемс кялень клуб, коса сембе, кинь ули мялец, васьфнельхть и корхнельхть мокшекс. Или панжемс, кепотьксонди, велень группа Вотсапса. Пяк эряви нолдамс кяльть интернетонь пространствати.
Ётай сентябрьста «Всяк сущий в ней язык» проектть видеса Алексей ётафтсь нинге фкя социолингвистическяй исследования Темниковскяй районца. Ванозе, кода, кодама ситуацияса и кода сидеста велень и ошень од и эряфкшу ломаттне нолясазь тевс мокшень кяльть.
«Шарфтонь мяль вов мезть лангс: кда семьяса, кепотьксонди, рьвясь мокша, а мирдсь руз, или меколанкт, эста шабасна пцтай аф корхтайхть мокшекс. Тядясна-алясна корхтайхть мархтост аньцек рузкс, сяс шабасна содасазь аньцек рузонь кяльть.
Шарьхкотьф, тяфтама семьяда лама. Аф путомс лама вий и корхтамс иттнень мархта аньцек рузкс—тя сембода тёждясь. Но эста эвондай кизефкс: мезе кармай мокшень кяльть мархта ванды? Ляди мялезон 20 веконь русскяй эмиграциянь кепотькссь. Ломаттне, конат тушендсть Советскяй Союзста, сидеста рьвяйсесть или лисендсть рьвакс лия национальностень ломаттненди. Но рузонь кяльсь сяка ванфневсь эмиграциянь омбоце и колмоце поколениятнень эса….
Ёралень тердемс сембонь корхтамс идьснон мархта родной кяльса, аф ваномок сянь лангс, Мордовияса тинь эрятада или лия регионца. Кяльти эряви тонафтомс иттнень, конатненди 2-5, 6, 7 кизот. Содаф, шабатнень, конат идькс пингстост тонафнесть 2 или сяда лама кяль, сяда келихть интеллектуальнай маштомошисна»,—мярьгсь А.А.Козлов.
О. Белкина.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...