САТФКСТ ЭРЬ ТЕВСОТ, «ЮРХТАВА»!

1995 кизоня Мордовияса пуроптфоль «Юрхтава» мокшень аватнень ассоциациясна» Мордовия Республикань общественнай организациясь. Эста тиеманц колга мяльть азозь мокшаватне-патриоттне: писательсь В.И.Мишанина, критиксь М.И.Малькина, морсись А.Н.Куликова, журналистсь А.П.Исаева, композиторсь Н.В.Кошелева, педагогсь З.И.Акимова и лиятне.
Мокшень аватнень ассоциациясна эстокиге кярьмодсь мокшень кяльть и культурать ванфтоманц мархта сотф тефненди. Тняра кизоста председателькс теенза ульсть Н.Н.Кудашова, А.Ф.Петербургская, О.О.Кулаева, З.И.Акимова.
Ётай недялять 12 июльста Саранскяйса ётафтовсь «Юрхтава» мокшень аватнень ассоциацияснон общай собранияц, конань эса примась участия Российскяй Федерациянь сенаторсь П.Н.Тултаев.
Пуромксть пингста кочкафтольхть тя организацияти од председатель и правления. Председателень вастти кемокстафоль Мокшэрзянь государственнай национальнай драматическяй театрать директороц, мокшавась Светлана Ивановна Дорогайкина.
«Мокшень правдань» коллективсь и лувиеньконь лемста поздравляндасаськ сонь и макстама теенза кой-кодама кизефкст «Юрхтавать» сай пингонь планонзон колга.

—Светлана Ивановна, тон «Юрхтавасат» кунара—2002 кизоста сявомок. Тяни кочкафат тя организацияти председателькс. Кодапт платтне маластонь пингонди?
—Васендакиге, ёран азомс оцю спасиба сембонди, кит кирдезь ширезень. Улемс «Юрхтавати» председателькс—тя, конешна, оцю честь. И, тяконь мархта, ряцок оцю ответственностсь. Тя вастсь веши виень аф ужяльдезь работама, од мяльхть-арьсемат. Исяк кочкаме од правления, коза сувафтоме кемонь ломатть. Тяни арьсетяма план, конань коряс карматама тиендема тефнень сяда тов. Планцонк тевда аф кржа, карматама марстонь вийса работама синь эряфс ётафтомаснон коряс.
—Кода ни азфоль, «Юрхтавать» пуромксса примась участия Российскяй Федерациянь сенаторсь Пётр Николаевич Тултаев. Мезть лангс сон шарфтсь мяль?
—Юрхтавась—тя кудть, пирьфть ванфтыец-аралаец. Сонь лемонц вов ни 27 киза каннесы организацияньке. Сенаторсь П.Н.Тултаев корхтась «Юрхтавать» квалма, кода гражданскяй обществань институтонь колга. Теенза, кле, тевонзон мархта лама мезе тиендема семьянь питнишитнень, национальнай кяльхнень и культурать ванфтомаснон, межнациональнай соткснень виияфтомаснон инкса. И тя афкукс тяфта. Тяконь колга корхтатама и минь—«Юрхтавати» сувси мокшаватне.
Кда лятфтамс ассоциациять ингольдень работанц, то сон эрь шиннель, эреколь: ётафневсть пуромкст, васедемат, якаме республикань райоттнень ланга.
—Светлана Ивановна, мзяра мокшава сувси «Юрхтавати» тяни?
—Сембоц эздонк 300 малава ломань. Тя цифрать азыне, кирдемок мяльса марнек Мордовиять. Надиятама, пингонь ётазь лувксоньке касы. Кенкшеньке панжадот сембе мокшаватненди! Маластонь пингть арьсетяма кемокстамс соткснень республикань райоттнень мархта, пцтай сембонь эса улихть «Юрхтавать» представителенза. Кепотьксонди, Рузаевкаса «Тяштеня» центрать директороц А.И.Тишкина, Ковылкинаса—поэтсь П.В.Алёшина и стак тов.
—Светлана Ивановна, мрдатама «Юрхтавать» планонзонды и задачанзонды, конат ащихть марнек ассоциациять инголе. Азонтт тянь колга.
—Планоньке, кода ни пачфтине, аф ёмлат и козят. Васендакиге, мяль шарфттама социальнай сетьтнень эса «Юрхтавать» страницанзон, электроннай почтанц тиемаснон лангс. Ассоциацияти сувси мокшаватнень явоськ башка направлениява. Кепотьксонди, Мордовия Республикань Заслуженнай артисткась Л.П.Князькова кармай вятема «Юрхтава» фольклорнай ансамбльть пуроптоманц коряс работа. Арьсетяма сувафтомс эзонза кемоньшка мокшава—ассоциациянь член. И «Юрхтавать» васенце выступленияц, кда сембось удалай, ули тяддень сентябрьста «Шумбрат» праздникса. Нинге ули мяль 8 июльть—Семьянь, кельгомань и верностень шить азомс «Юрхтава» ассоциацияти шикс, ётафтомс эряфс родной кяльть мархта сотф проектт и стак тов. Карматама работама гранттнень сатомаснон коряс.
Сяда тов мяленьке ётафнемс васедемат. Кда, мярьктяма, эряви пуроптомс правлениясь—кочкасаськ правлениять, эвондай туфтал ваномс тя или тона кизефкснень—тага пуроптама. Аф марнек ассоциациянь келеса, а сят, кит заняфт тя или тона тевса.
Ниле кизоти весть (лисенди, тяни тя ули 2026 кизоня) «Юрхтавати» ётафтома съезд, коса сембе кизефксне вановихть сембе ширде келиста.
«Юрхтавась» кармай примсема участия Саранскяйса и районца ётафневи пуромкснень эса. Тяфта ульсь инголи, тяфта тевоньконь ладясаськ тянивок.
—Кода кармай вятевома работась од ломаттнень мархта?
—«Юрхтавати» сувсихть преподавательхть университеттнень эзда. Сяс карматама работама вельдест.
—Катк ётафтови эряфс арьсефонте! Сембе цебярть «Юрхтавати»!
—Спасиба!

Т.АЛЬШИНА.

Последние новости

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря...

В Мордовии закупается оборудование для региональных сосудистых центров

В рамках регионального проекта «Борьба с сердечно-сосудистыми заболеваниями» национального...

Благодаря нацпроекту предпринимателей Мордовии научили успешно вести бизнес онлайн

Министерство экономики, торговли и предпринимательства РМ совместно с Центром...

Благодаря нацпроекту бизнес Мордовии узнал, как работать в рамках закона

Министерство экономики, торговли и предпринимательства РМ совместно с Центром...

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства (Ворлдскиллс Россия)» реализует программу подготовки команд рационализаторов. Эта работа ведется в рамках федерального проекта «Системные...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром «Мой бизнес» оказывает поддержку субъектам МСП Мордовии.В рамках Недели предпринимательства по национальному проекту «Малое и...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря Зубово- Полянского местного отделения партии Владислава Поршина  совместно с представителями родительского сообщества  и администрации Зубово-Полянской   школы  №1 имени Героя Советского Союза...