«Шумбрат, Мордовия!» фестивальсь тага кеняртьфтсь асушиса

11 ноябрьста Саранскяйса, Культурань республиканскяй Дворецть сценанц лангса, художественнай самодеятельностень коллектифнень отчётнай концертснон няфтезе Старошайговскяй муниципальнай районць, поладомок тянь мархта «Шумбрат, Мордовия!» Народнай творчествань XXVII республиканскяй фестивальть.

Дворецу пуромфне васенда ванозь районть декоративно-прикладной творчествань выставканц.
Старошайговскяй районть концертоц ушедсь «Россия, моя!» мороста, конань моразе Сире Шайгавонь СОШ-нь преподавателень хорсь. Сяда тов сценать лангс лисендсь Сире Шайгавонь «Дружба» народнай духовой оркестрась «Тоска по Родине» кунардонь маршть мархта. «Улыбка» ансамбльсь моразе «Мы не хотим войны» мороть.

Мезе аньцек ашель концертса! «Мелодия» народнай инструментальнай ансамбльсь аноклась 1960-1980-це кизотнень инь содаф мелодиятнень лангс ретро-попурри, кона тусь ваныхнень мяльс.
Мордовия Республикань культурань Заслуженнай работниксь, аккомпаниаторсь, Сире Теризморгаста мокшалясь Виктор Пивкин лочазь-лочась гармонияса.

Башка мяль шарфтфоль национальнай ширети. Сире Теризморгань «Мокшаваня», Рязановкаста «Кайги вайгяльхть» фольклорнай ансамбльхне кеняртьфтезь ваныхнень мокшэрзянь народнай моротнень мархта. Тяфта тись и Лемдяйста «Синельга» народнай ансамбльсь.
А вов и сон—Сире Теризморгань народнай хорсь «Мастор» мокшэрзянь народнай мороть мархта. Мельганза сценать лангс лисендсь тя велеста «Лаймоня» идень фольклорнай ансамбльсь.
«Ванькань Просанясь» мокшэрзянь народнай мороть «Лаймонясь» и Сире Теризморгань Народнай хорсь моразь марса. Залу пуромфне аш ни кода пяк цяпазь кядьснон!
И нинге. Выставкать и концертть пингста сельмоце афоль явфтов Сире Шайгавонь мокшень щапнень эзда. Валса аф азови синь мазышисна.
Финальнай морокс арась «Отечество» группать репертуарста «Вставай, страна» морось, конань моразь Алексей Гагарин, Иван Ананьев и концертонь сембе участникне.
Татьяна Владимирова.

12 ноябрьста Саранскяйса, Культурань республиканскяй Дворецса, «Шумбрат, Мордовия!» Республиканскяй фестивальть мяльса кирдезь эсь отчётнай концертонц няфтезе Темниковскяй районць.

Темникав аймакть козяль концертнай программац. Сценаста кулевсть мокшень, рузонь и татаронь кяльса морот.
Сембе номерхнень эса няфтевсть патриотизмась, шачема масторти кельгомась и мяльсь, што аф ваномок лама нароттнень улемаснон лангс, минь сембе марсотама.

«Монь кельгома районозе» мороть моразе Кушкинскяй велень клубть культорганизатороц Валентина Киселёва, а «Лаймоня» ансамбльсь—«Мокшэрзянь масторняй» мороть, «Национальный сувенир» кштимань коллективсь казсь ваныхненди «Колма стирнят» кштима.
Патриотическяй номерхнень мархта ряцок ульсть и лият. «TV» тяниень пингонь кштимань студиять эзда няфтьфоль од ломанень флешмоб.
Тяда башка, козяль Темниковскяй районть декоративно-прикладной творчествань выставкац. Кушки велеста Валентина Фёдоровна Морозова каванязень инжихнень мокшень танцти пачаса и тишень чайса. Вирень Цибаева велеряйсь Анна Леонтьевна Нечайкина няфтсь стамать-кодамать коряс мастер-класс.
Сембе няйфть эзда содавсь, што Темниковскяй районца лац ванфтсазь культурать, койхнень-обуцятнень, а райононь эряйхне пяк кельгсазь эсь шачема уженяснон.
Илья Первойкин.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...