10 октябрьста Саранскяйса, Культурань республиканскяй Дворецса, ётафтовсь пресс-конференция, кона лемтьфоль «Шумбрат, Мордовия!» Народнай творчествань XXVII Республиканскяй фестивальти-конкурсти. Эсонза примасть участия Мордовия Республикань культурань, национальнай политикань и архивнай тевонь министрсь Светлана Баулина и Народнай творчествань Республиканскяй кудть директороц Лилия Наркаева.
Светлана Никитовна башка китькстазе, што «Шумбрат, Мордовия!» фестивальсь—Мордовия Республикать брендоц!
Тядде сон ушеды 21 октябрьста и моли 26 ноябрти. Фестивальти башка темакс ули «Мезьста ушеткшни Родинась? Мезьста ушеткшни «Шумбрат, Мордовиясь!?» кизефксть лангс ответсь.
Эсь площадканц лангса Народнай творчествань Республиканскяй тя фестивальсь пуропты несколька сяда участник Мордовиянь 22 муниципальнай сембе райоттнень эзда и Саранск ошень округста. Тядде тевс сувафтови од номинация, конань лемоц «Республикань ошне».
Гала-концертсь и заключительнай выставкась ётафтовихть 16 декабрьста.
Лилия Наркаевать валонзон коряс, рамамс билетт отчётнай концерттненди ули кода Народнай творчествань Республиканскяй кудть сайтсонза (сон тяни од, сяс азсаськ адресонц: rdntmordovia.ru) и Мокшэрзянь государственнай филармониять кассасонза.
Тевс можна нолдамс и Пушкинскяй картать.
Татьяна Альшина.