Ня шитнень республикасонк ётафтови Мордовскяй (мокшень и эрзянь) народть Межрегиональнай общественнай организациянц VIII съездоц
Съездонь участникокс арась пцтай 700 делегат и инжи Российскяй Федерациянь 36 субъектста, коса эряйхть мокшэрзят, и омба масторонь государстватнень эзда—Казахстанцта, Эстонияста. Тя оцю пуромксса примайхть участия государственнай властень органонь, гражданскяй обществань институтонь, массовай информациянь средствань, наукань, культурань, образованиянь представительхть.
Съездть темац—«Тяниень пингонь вызофнень пингста мокшэрзянь народть марстомомац и российскяй нациять марстоньшинц кемокстамац».
Мокшэрзянь народсь эсь оцю пуромкссонза тага весть няфтьсы странань лия сембе нароттненди Россиять судьбанц инкса эсь ответственностенц, нинге весть кемокстасы, што минь васедакиге россияттама, а сяльде—мокшетама и эрзятама.
Мокшэрзятнень пуромкссна ётафтови пленарнай и секционнай заседаниянь, круглай шрань, стратегическяй сессиянь лаца. Корхтафтовихть этнокультурнай касондомань-вииякшнемань кизефксне, а стане жа Россиянь нароттнень марстомомасна, традиционнай российскяй духовно-нравственнай питнишитнень ванфтомасна.
Съездса вановихть национальнайть ванфтомань-виияфтомань тевса уликс прябалатне. Оцю корхтама тяса мольфтеви национальнай образованиять и культурать, национальнай печатть и книгань нолдамать, странань региоттнень эса мокшэрзянь национальнай, культурнай автономиятнень и центратнень работаснон колга. Эрявикс мяль, конешна, шарфтф межнациональнай и межэтническяй соткснень одкстоптомаснонды, демографияти.
Арьсетяма делегаттненди и инжихненди оцю работа, творческяй сатфкст и сембе цебярть эряфса!
Мокшэрзятнень оцю пуромксснон колга сяда лама лувода газетаньконь сай номерсонза.