СОДАФНЕСАЗЬ МОСКУВОНЬ ЭРЯЙХНЕНЬ МОКШЭРЗЯТНЕНЬ КЯЛЬСНОН, КОЙСНОН-ОБУЦЯСНОН МАРХТА

«Мокшень правдась» кирди кеме соткст ширеса эряй мокшэрзятнень мархта. Ялгадонк аф кржа Москусовок. Синьге оцю мяльса пачфнихть газетаса работайхненди эрь шинь куляснон колга. Эряви азомс, ламотне эздост—родной кялень, коень-обуцянь афкуксонь патриотт. Аф ваномок заняфшиснон лангс, фалу мушендыхть пинге национальнай ширети. Тяфтама активисттнень ётксот Ковылкинскяй районца шачф акатне-сазорхне Капаеватне, лиятне. Пара тевснон квалма фалу азонкшнетяма газетаса. Москувонь Мокшэрзянь землячествань представительхне примсихть участия аф фкя проектса.
«Народы России» образовательнай проектть мяльса кирдезь, синь тернесазь Москувонь школатненди и библиотекатненди васедемас. Пингстост содафнесазь тонафнихнень Россияса эряй нароттнень мархта, азонкшнихть патриотизмать, толерантностть колга.

Тя ковть Российскяй Федерациянь Президентть видеса Мордовия Республикать Постояннай представительстванц Мокшэрзянь культурань центранц директороц Лидия Круглова, тя центрань «Азорава» фольклорнай коллективсь, «Эх, мордовочка» народнай ансамбльть участницанза, мокшаватне Наталья Кувезенкова, Татьяна Чумбаева ульсть В.И.Долгихонь лемса Технолицейса—Подмосковьянь образовательнай колмоце кластерса, конань кемокстазе Московскяй областень Правительствась марса Е.М.Примаковонь лемса гимназиять мархта.
Технолицейть васенце тевоц—анокламс технологическяй лидерхт Россиять национальнай ширензон мяльса кирдезь. Тонафнемань тя заведениясь панчф Павловскяй Слободаса 2023 кизонь 1 сентябрьста 320 дошкольниконди и начальнай и средняй школань 960 учениконди.


Лидия Виссарионовна, Наталья Тимофеевна и Татьяна Тимофеевна анокласть Москувонь 2С классонь стирнятненди и цёранятненди мялень салай васедема, конань пингста синь арасть содафокс Россиять инь мазы региононзон эзда фкять—Мордовиять мархта. Иттне кульсть мокшетнень и эрзятнень, синь культураснон, койснон-обуцяснон, устно-поэтическяй творчестваснон, Мордовиять мазы и содаф вастонзон колга. И аф аньцек кульсть, а лама мезть няезь эсь сельмосост и примасть участия несколька интерактифнень эса. 2С класса тонафнихне кштисть, тонадсть мокшекс и эрзякс шумбракстома. Стирнятне щашендозь мокшаванянь костюмнятнень, конатнень инжихне кандозь мархтост. Кой-кит синць, моделированиять вельде, тяряфнесть тиемс мокшэрзянь щамонь модельхть. «Луганяса келунясь» мокшэрзянь содаф мороть технолицейса тонафнихне моразь оцю мяльса. И, конешна, тяфтама васедематне аф ётнихть мокшень пачафтома, конатнень пидезень-панезень мокшавась Татьяна Чумбаева.
Васедемати мокшаваньке каннезь национальнай изданиятнень—«Мокшень правдать», «Якстерь тяштеня» журналть. Пуромфнень мархта марса ванозь синь. Конешна, содержанияснон колга азондсть рузонь кяльса, ётафтозь кой-кона сёрматфнень.
«Газетась и журналсь тусть шабатнень мяльс. И, целайнек, васедемась ётась лац»,—мярьгсь Наталья Кувезенкова.
Нинге фкя васедема ульсь Москувонь инь сире библиотекатнень эзда фкаса—А.П.Гайдаронь лемса ошень Центральнай идень библиотекаса, конань эсь ёткова лемнесазь Гайдаровкакс.
Книганкса сашенды иттне оцю мяльса кштисть, примасть участия мокшень мазоптомбяльхнень анокламаснон коряс мастер-класса, макссесть кизефкст Мордовиять колга.
А.П.Гайдаронь лемса библиотекав якасть Лидия Круглова, Наталья Кувезенкова и машты кядь мастерицаньке мокшавась Нина Куфтинова.
Библиотекаса аноклафоль «Книги о Республике Мордовия» лем ала выставка. Теенза лац поладсь и «Мокшень правдась».
«Народы России» образовательнай проектть мяльса кирдезь, Мокшэрзянь землячествать представителенза тяфтама васедемат кармайхть ётафнема сяда тов.
Татьяна АЛЬШИНА.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...