СУРГУТ ОШТЬ ВЕЛЬХКССА КАЙГСТЬ МОКШЭРЗЯНЬ МОРОТНЕ

5 июньцта Ханты-Мансийскяй автономнай округонь—Югрань Сургут ошть главнай площадьсонза 23-цеда ётафтовсь «Соцветие» национальнай культуратнень фестивальсна. Тядде сон лемтьфоль Россиянь нароттнень народнай искусствань и аф материальнай культурнай наследиянь кизоти.

Тядде «Соцветие» фестивальсь кочксезень ламоц нароттнень представительснон. Ётксост ульсть мокшет и эрзят. Кода содаськ «МасторАва» Мокшэрзянь национально-культурнай центра» Региональнай общественнай организациять председателенц, мокшалять Г.С.Наркаевонь эзда, «Соцветие» фестивальсь ётафтовсь келиста и мялень салайста. Лама киза мельцек тя праздниксь  марс пуропнесыне Сургутонь эряйхнень и ширде саф инжихнень. Вельденза ули кода сяда лама содамс лия нароттнень культураснон, койснон-обуцяснон колга.

«5 июньцта национальнай культуратнень фестивальснон пингста нинге весть няфтьфоль, кода ладязь и шарьхкодезь эрятама минь фкя-фкянь мархта. «МасторАва» общественнай организацияньке примась участия тя фестивальса кемнилиецеда ни. И тядде праздниксь весялаль и келиель. Пандемиянь кафта кизотнень Сургутонь эряйхне пяк лажадсть весяла праздникненди. Тя няевсь моротнень и кштиматнень коряс»,—азозе Геннадий Сергеевич.

«Соцветие» фестивальс пуромфненди приветствиянь и поздравляндамань валхт азсь Сургут ошень оцюнясь А.С.Филатов, кона казезень дипломса национальнай культуратнень фестивальса участиянь примай общественнай и лия организациятнень руководительснон.

Мокшэрзянь площадкаса ульсь кода кулемс мокшень и эрзянь морот, няемс щамоньконь-карямоньконь, варжамс пачаньконь и позаньконь. А нинге тифтемс лятфнембяленди фотографият, снимандамс видеот.

Сургут ошень оцюнясь и лия инжихне сувсесть мокшэрзянь «кудняти» и варжазь танцти ярхцамбяленьконь.

Салси мяль и кеняртьфти ся, што «Соцветие» национальнай культуратнень фестивальса примасть участия представительхть Мордовияста. Сургуту якасть Мордовия Республикань Заслуженнай артисткатне Л.П.Князькова и Е.Л.Воронина, Всероссийскяй и Международнай конкурснень лауреатсна, од морсись А.В.Мамаев.

Геннадий Сергеевичень валонзон коряс, мокшэрзянь масторста саф артисттне эсь мороснон и кштимаснон мархта аш ни кода лац петезь праздникть.

Т.АЛЬШИНА.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...