Сургутса ванфневи минценнесь, национальнайсь

«2020 кизоня Мокшэрзянь народть исполкомонц заседанияса азфоль мяль озафтомс Даньшинаса «Мокшэрзянь автономиянь аллея». И вов 17 сентябрьста «сембода маласа» ащи автономиясь Сургутста пачфтезень Даньшинав кедровай васенце шуфтонятнень»,—сёрматф Пензенскяй областень Даньшино мокшень велеть страницасонза ВКонтакте социальнай сетьса. Кельме ширдень касыкснень ускозень мокшалясь Геннадий Сергеевич Наркаев.

«2020 кизоня Мокшэрзянь народть исполкомонц заседанияса азфоль мяль озафтомс Даньшинаса «Мокшэрзянь автономиянь аллея». И вов 17 сентябрьста «сембода маласа» ащи автономиясь Сургутста пачфтезень Даньшинав кедровай васенце шуфтонятнень»,—сёрматф Пензенскяй областень Даньшино мокшень велеть страницасонза ВКонтакте социальнай сетьса. Кельме ширдень касыкснень ускозень мокшалясь Геннадий Сергеевич Наркаев.

«МасторАва» Ханты-Мансийскяй автономнай округонь мокшэрзянь национально-культурнай центрать председателец Г.С.Наркаев сашенды шачема-касома вастозонза аф сидеста. Тяддень сентябрьста, отпусконь пингстонза, мусь ётконя и пачкодсь. Рузаевскяй райононь Трускляй велеса эсонза най учихть.
«Нинге кафта кизода инголе саме мяльс озафтомс Пензань Даньшино велеса Мокшэрзянь аллея. Мон надияфтонь ускомс Ханты-Мансийскяйста сибирскяй кедрат. Николай Николаевич и Сергей Николаевич Пикситтне пара мяльса учендомазь, шуфтонятнень озафтоськ марса. Ня кедратне вековойхть, эряйхть 400-500 кизонь, надиятама, мзярошка кизода меле карматама шулгондомост пяштьснон. Ули пара, кда лия автономиятневок ускихть Даньшинань аллеяти шуфтонят»,—мярьгсь Геннадий Сергеевич Наркаев.
«МасторАва» Ханты-Мансийскяй автономнай округонь мокшэрзянь национально-культурнай центрась панжевсь 2008 кизоня. Г.С.Наркаев путни лама вий, штоба Сургут ошса лия народонь культуратнень мархта ряцок няфневоль мокшэрзяннеське. Тяддень июнь ковть ушетксста тяса ётафтовсь «Соцветие» национальнай культурань 23-це фестивальсь. Илас пуромкшнесь 15 тёжянь ломань. Сашендсть инжихть Мордовиястовок. Ётксост Мордовия Республикань Заслуженнай артисткатне Любовь Князькова и Елена Воронина, а стане жа асу морсись Артём Мамаев. Организациять председателец лятфнесы: «Пицеме мокшень лама пачада, но сятка ашесть сата. Ломаньда пяшксель!» Эрь кизоня автономиясь примси участия спортивнай Межнациональнай оцю спартакиадаса, коса няфневихть эрь кодама нароттнень налхксемасна. Геннадий Сергеевич сувси Сургут ошень оцюнять видеса Координационнай советти. Сидеста васьфни школаса тонафнихнень мархта, ётафни «Мужествань урокт». Азонкшни минь мокшень и эрзянь национальнай героеньконь колга, ушеткшни Михаил Петрович Девятаевонь эзда.
Аф кунара Сургут ошень историческяй паркса ётафтовсь «Ванфтсаськ предканьконь койснон» сборникть торжественнай презентацияц.
Книгась нолдавсь «Ответь мне на родном языке» проектть вельде, кона шарфтф Сургут ошса эряй нароттнень койснон, культураснон, родной кяльснон ванфтомаснонды. Проектть эряфс ётафтомаса лездсь ошень администрациясь. Лия автономиятнень мархта марса эсонза примась участия и Мокшэрзянь землячествась.
Проектть мяльса кирдезь ётафтовсь «Ванфтсаськ атяньконь-бабаньконь койснон» темать коряс сочинениянь конкурс. Эсонза примась участия 70 шаба. Аньцек 20 сочинениясь кочкавсь и нолдавсь родной и рузонь кяльса «Ванфтсаськ атяньконь-бабаньконь койснон» сборникса. Проектти путозь эсь вийснон Сургутонь 12 общественнай организациясь. Сборникти сувасть шабатнень аф аньцек сёрматфсна эсь родной кяльсост, но и фотографиясна национальнай щамса. Книгать мокшень пяльксонцты сувась 4-це классонь тонафнить Максим Наркаевонь тяштьфоц.
Тяда башка, Сургутса тядде нолдавсь «Твои первые 100 слов на моём родном языке» зепса каннема валкссь-разговорниксь. «Марий ушем» марийскяй общественнай организациять проектонцты сувась Сургутса эряй 15 народть сяда сидеста васьфневи валсна. Лия нароттнень мархта марса эсонза няфневихть мокшень и эрзянь кяльхневок.
Мокшалясь Геннадий Сергеевич сась эряма Сургуту 90-це кизотнень песта, мзяра киза ни работай нефтегазовай отрасляса. «2006 кизоня Сургут ошса повонь Межнациональнай оцю фестивальс. Эсонза няфтевсть эрь кодама национальностть, мон вешендень эсеннетнень—мокшетнень и эрзятнень. И оцю тяфтама пуромксса киньге ашине му. Аш кода улемс сянди, што кельме ширеса аш фкявок мокша и эрзя! Тяда меле и ушедонь саворне вешендема и пуропнема ломаненьконь марс. Васенце шитнень эзда сявомок и тячемс тейне ламоса лезды Чамзинкаса шачфсь Е.Д.Куприянов. Автономиянь панжемать колга мяльть мархта молень ошень администрацияв, коса пара мяльса эстокиге кирдезь ширезень. Панжеськ «МасторАва» мокшэрзянь национально-культурнай центра» Ханты-Мансийскяй автономнай округонь региональнай общественнай организациять. Автономияньконь «юроц» ащи 30 ломаньцта. Но оцю пуромксста, иласта сашенды и 100 ломань, и сяда лама»,—мярьгсь Г.С.Наркаев.


О.БЕЛКИНА.

Последние новости

Нацпроект и снижение смертности при ДТП

В рамках национального проект «Безопасные качественные дороги» в Мордовии...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта,...

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Нацпроект и снижение смертности при ДТП

В рамках национального проект «Безопасные качественные дороги» в Мордовии реализуется региональный проект «Безопасность дорожного движения». Одна из его задач – сокращение смертности в результате...

В Мордовии продолжается реконструкция районных домов культуры

Торбеевский дом культуры – центр притяжения всего района. Здание построено в 1974 году и давно требовало ремонта. В 2023 году по национальному проекту «Культура»...

Дискуссия по развитию БРИКС прошла на Всемирном фестивале молодёжи

В рамках Всемирного фестиваля молодёжи в субботу, 2 марта, прошла дискуссия «БРИКС: новые вызовы в эпоху глобального развития». На мероприятии также прошли дебаты «Приоритеты и...